Matiyu 21:19 - ALLALA KUMƐ

¹⁹ A ya toro-kuri yen kilɛ dafɛ. A tara ke kɔlɔma wo ma kɔnɔ a ma fenfen yen a la fɔ yanba-kunyɛnu gbansan! Woletɔ a ya a fɔ toro-kuri ma ko, “Ile, i ti gbɔ tun!” Toro-kuri wo mafɔsɔra kelenna!

Matiyu 21:19 ပူးပေါင်းရင်းမြစ်များ

Aiseya 5:2

A ya kan tinɛ wo rasin ka kurinu tɔnbɔn a rɔ. A ya ki-fen-hakikɛnu ki nyɔ. A ya bɛndɛ-layan-bɛ sɔ nyɔ tɛma a makandan-koe la. A ya bondɔn sɔ ki-fan wonu gbɔɛla ko la. A ya a to ha kɔn-gbɔɛ wonu mɔra a kin na kɔnɔ kɔn-gbɔɛ wonu kuna iko kotuli.

Yɛrɛmaya 8:13

Mari ko a si wola ki-fannu bi wo bolo. Wola ki-fen-gbɔ-wo-gbɔ ti taran a la. Toro-gbɔ-wo-gbɔ ti taran a la. Hali anu yanba-kunyɛ si yalan. Mari ko a ara min bɛɛ di wo ma nun, a si wo bɛɛ toronde wo la.

Matiyu 21:20

Karan-dannu ya wo yen tumɛ min, anu kawara. Anu ya nyinikali kɛ ko, “Toro-kuri kɛ mafɔsɔra kama tiriya?”

Maraka 11:14

Yisa ya a fɔ toro-kuri ye ko, “Mɔgɔ-wo-mɔgɔ ti i gbɔɛ dɔn tun!” Ala karan-dannu ya a kuman-kan wo lamɔɛn.

Maraka 11:20

Wo banda kɛ, subaga-dɛ ma, anu bi tagamana kilɛ fɛ tumɛ min, anu ya toro-kuri wo yen tun. Toro-kuri wo la ara gbala ka bi a kuma ha dugu la.

Luka 3:9

Yende ra ara bɛn ka kɔlɔma-kurinu tɛgɛ anu sulinu tɔ. Kɔlɔma min ti gbɔ-nyimɛ labɔ, a bɛnta, wo ni tɛgɛ ka a lakɛ tɛ rɔ.”

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

2 Timoti 3:5

Anu si a ma iko anu bi Alla batola kɔnɔ anu ma la ata sɛnbɛ la mumɛ! I ni fara mɔgɔ-sufa wonu na feu!

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!

Lankɛnimayɛ 22:11

Mɔgɔ-yogenu si to ko-yogomɛ kɛla dɛɛ! Mɔgɔ-kɔsɔnɛnu si to ko-kɔsɔnɛ kɛla dɛɛ! Sɔn-nyima-tiginu si to sɔn-nyimaya-koenu kɛla dɛɛ! Min sɛninyanɛ, wonu si to sɛninyɛ rɔ dɛɛ!”