Matiyu 21:15 - ALLALA KUMƐ

¹⁵ Saraka-masɔla-wɛnu anubɛ tɔn-karan-mɔgɛnu ya Yisa yen kabana-koenu kɛla. Anu ya a lamɔɛn dennɛnu bi anu kan nabɔla Alla-Bato-Bɔn la ko, “Mansa Dawudala dan, i ni sɛnɛ!” Wo le ya a ma, anu diminyara.

Matiyu 21:15 ပူးပေါင်းရင်းမြစ်များ

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Matiyu 20:24

Karan-den to tan ya wo lamɔɛn tumɛ min, anu diminyara na-kelen-nyɔgɔmɛ wonu ma.

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 22:42

“Wota miriya ye kama Allata-Mɔgɔ-Yabɔnɛla ko la? Yon bɔnsɔn ye ale la?” Anu ya a yabi ko, “Mansa Dawuda bɔnsɔn le.”

Matiyu 26:3

Saraka-masɔla-wɛnu anubɛ Yahudiya-kɛmɔgɛnu ya anu nadɛn Saraka-Masɔla-Kun-Tigi Kaifasi warɛ.

Matiyu 26:59

Saraka-masɔla-wɛnu anubɛ Yahudiya-kɛmɔgɛ bɛɛ ya anu taya ka foninya-sereyɛnu nyini Yisa kan ma anu si a faga minna ko la.

Matiyu 27:1

Subaga-dɛ ma, saraka-masɔla-wɛ bɛɛ anubɛ Yahudiya-kɛmɔgɛnu ya anu nyɔgɔn nadɛn ka sɔn Yisa faga-koe ma.

Matiyu 27:20

Saraka-masɔla-wɛnu anubɛ Yahudiya-kɛmɔgɛnu ya a lagbɛlɛya nyama kuma ko anu ni Pailɛti manyinika Barabasi boloka-koe ma ka ale Yisa faga.

Matiyu 9:27

Yisa bɔra nyɔ tumɛ min, kei-fiyon fila bilara a fɛ. Anu bi gbele-gbelenna ko, “Mansa Dawudala dan, kinikini ma ma!”

Maraka 11:18

Saraka-masɔla-wɛnu anubɛ tɔn-karan-mɔgɛnu ya wo lamɔɛn. Woletɔ anu wulita fɛrɛ nyinina Yisa faga-koe ma. Anu kilannɛ a la nun bawo nyama bɛɛ kawara ala karan ma.

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 22:2

saraka-masɔla-wɛnu anubɛ tɔn-karan-mɔgɛnu ya anu taya ka fɛrɛ nyini Yisa faga-koe ma dogɔn rɔ bawo anu kilannɛ mɔgɛnu na.

Luka 22:66

Banda-ka-dɛ ma, Yahudiya kɛmɔgɛnu, saraka-masɔla-wɛnu anubɛ tɔn-karan-mɔgɛnu, wonu ya anu nyɔgɔn nadɛn. Anu nara Yisa la anu yakɔrɔ.

Yɔni 11:57

Saraka-masɔla-wɛnu anubɛ Farisinu bara a fɔ nun ko Yisa ye kan tinɛ min, ni mɔgɔ-wo-mɔgɔ ya wo lɔn, a ni wo fɔ anu ye. Woletɔ anu si a bira.

Yɔni 12:19

Farisinu ya a fɔ anu nyɔgɔn ye ko, “Wo ma a yen, ma sa a nɔla hali! A mafɛlɛn, duninya-mɔgɛ bɛɛ bilanɛ a fɛ!”

Yɔni 4:1

Nba, Farisinu ya a lamɔɛn ko Yisa ye karan-dannu sɔrɔnna Yɔni ko ka anu batasi.

Yɔni 7:42

A sɛbɛnɛ Allata kitabu rɔ ko Allata Mɔgɔ-Yabɔnɛ si bɔ Mansa Dawuda bɔnsɔn rɔ. A ko a si sɔrɔn Mansa Dawudala soe burɔ Bɛtalehɛm.”