Matiyu 20:28 - ALLALA KUMƐ

²⁸ ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Matiyu 20:28 ပူးပေါင်းရင်းမြစ်များ

Yobu 33:24

Melika wo si kinikini a ma, A si a fɔ Alla ye ko, “A boloka. A kana ta lakira. I ma a kunka-fan yen n bolo?”

Yaburi 49:7

Mɔgɔ-wo-mɔgɔ ti ke a niyi-kunka-sarɛ bɔla Alla ye

Aiseya 53:5

Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Aiseya 53:8

Mɔgɛnu ya a bira boloko-yogomɛ-kɛ ka a yiliki. A fagara, a ma a nyɔgɔn to. Anu ya a faga ala mɔgɛnuna ko la.

Matiyu 20:27

Ni wo do ye a fɛ ka ma a fɔlɔtɛ la, a ni ma yɔɔn la wole ye,

Matiyu 26:28

bawo n yele le kɛ la Allata sarama-kan kirinɛ min fɛ. N yele bɔnɛ alako mɔgɔ siyaman hakɛ ma si koto nya min.

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Maraka 10:45

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ-siyaman kunka-koe la.”

Maraka 14:24

Yisa ko, “N yele le kɛ la n bara Allata sarama-kan kiri min fɛ. N yele bɔnɛ mɔgɔ siyaman hakɛla ko la.

Luka 22:27

Min siginɛ a ye fen-dɔn la anubɛ min bi wɔli-kɛla-fen dɔnnɛ wo ye, anu filɛ tɛma, mɔgɔ-ba ye yon na? Min siginɛ, mɔgɔ-ba ye wo le la. Kɔnɔ nde ye wo tɛma iko wɔli-kɛlɛ.

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

1 Timoti 2:6

Ale le ya a nyɛrɛ niyi ni ko mɔgɛ bɛɛ ni hɔrɔya. Ata sayɛ le ya a mayira a wati-latɛgɛnɛ rɔ ko Alla ye a fɛ, bɛɛ ni kisi.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

Hiburunu 5:8

Hali Allala dan le ale la, ala tɔrɔyɛ fɛ, a ya a fala kuma-birɛ makaran,

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,

1 Yɔni 2:2

ado Kirasiti nyɛrɛ mara sarakɛ la min ya ma hakɛnu makoto. Male dɔrɔnta hakɛ ma, fɔ mɔgɛ bɛɛtɛ.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.