Matiyu 19:28 - ALLALA KUMƐ

²⁸ Yisa ya a fɔ anu ye ko, “Wo ni wo hɛnkili to kɛ ko! Dali-kurɛ wa ke tumɛ min, nde, Hadama-dan wa sigi nta mansaya-waganɛ gbiliyanɛ rɔ, wo tan-ni-filɛ bɛɛ si wo sigi mansaya-sigi-fannu tɔ ka Isirɛla bɔnsɔn tan-ni-filɛ kiti tɛgɛ,

Matiyu 19:28 ပူးပေါင်းရင်းမြစ်များ

1 Mansɛnu 18:31

A ya kuru tan-ni-fila bi ka wonu sɔ Yakobala den-kei tan-ni-filɛ tɔgɔ rɔ. (Mari ya Yakoba kɛ le tɔgɛ yɛlɛma nun ko Isirɛla.)

Ɛsira 6:17

Dantɛgɛlɛ wola ko la, anu ya tura kɛmɛ bɔ, saga-yigi kɛmɛ fila, anubɛ saga-den kɛmɛ nani sarakayɛ la. Wo kɔma, anu ya baa-kɔrɔn tan-ni-fila bɔ anu hakɛ-sarakayɛ la iko anu bɔnsɔn ye nya min.

Bɔ-Koe-Iyipiti 15:27

Anu kera Tamaro Kɔrɔ tenke tan-ni-filɛ anubɛ tin-kuru bi-wɔrɔnfilɛ ye kan min. Anu ya anu daga makɛ yi wonu dafɛ nyɔ.

Bɔ-Koe-Iyipiti 24:4

Wo kɔma, Musa ya Marita kumɛ wo bɛɛsi sɛbɛ. Wo banda kɛ sɔgɔma subaga, Musa wulita ka saraka-mintan-tinɛ sɔ kɔnkɛ wo kɔrɔ. A ya kuru-lɔngbɔn tan-ni-fila sɔ saraka-mintan-tinɛ wo dafɛ iko Isirɛla bɔnsɔn kebila tan-ni-filɛ ye nya min.

Bɔ-Koe-Iyipiti 28:21

Wo ni kuri wonu sigi iko Isirɛla bɔnsɔn tan-ni-filɛ tɔgɛ ye nya min. Bɔnsɔn tan-ni-filɛ kelen-kelennamɛ-bɛɛsi tɔgɛ ni sɛbɛ kuri kɛnu ma.

Aiseya 65:17

Mari ko a si san-kolo-kurɛ anubɛ dugu-kolo-kurɛ dan. A ko mɔgɛ ti a miri a kɔrɔmɛnu ma tun. Anu yili ti to anu ko tun.

Aiseya 66:22

Wola dannu anubɛ wole tɔgɛ mankan si to iko san-kolo-kurɛ anubɛ dugu-kolo-kurɛ si to nya min.

Saraka-Masɔlɛnuta Tɔnnu 24:5

“Wo ni dɛgɛ-munku-hakikɛ pani-kunbɛ-nya fila bi ka wo ladan biredi-lɔngbɔn tan-ni-fila la.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 19:27

Wo kɔma, Pita kumara. A ko, “I yɛ lana. Male ara fan bɛɛ to alako ma si bila i fɛ nya min. Male ye nfen sɔrɔnna worɔ?”

Matiyu 20:21

Yisa ya a manyinika ko, “Nfen mara?” A ya a yabi ko, “I ni lanyiri kiri ko i wa mansayɛ sɔrɔn tumɛ min, nna den filɛ kɛnu ni sigi i fɛ, kelen i bolo-nyimɛ rɔ, doi i maran rɔ.”

Matiyu 25:31

“Nde, Hadama-dan wa na nta mansayɛ rɔ tumɛ min nta melikanu fɛ, n si n sigi nta mansaya-sigi-fan rɔ.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Maraka 10:37

Anu ya a yabi ko, “I wa sigi ila gbiliyɛ rɔ tumɛ min, male ni sigi i fɛ, kelen i bolo-nyimɛ rɔ, kelen i maran rɔ.”

Kɛwɔlɛnu 3:21

Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ.

2 Timoti 2:12

Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.

Yasowa 3:12

Wo kɔma, wo ni mɔgɔ tan-ni-fila yabɔ Isirɛla bɔnsɔnnu tɛma. Mɔgɔ kelen ni bɔ bɔnsɔn kelen-kelennamɛ-bɛɛ rɔ.

2 Pita 3:13

Kɔnɔ Alla ara lanyiri kiri san-kolo-kurɛ anubɛ dugu-kolo-kurɛla ko la, telenbagayɛ si sigi kan min, ado male ye wo le makɔnɔna.

Lankɛnimayɛ 11:16

Wo kɔma, kɛmɔgɔ mogan-ni-nanɛ minnu mayiginɛ anuna mansaya-sigi-fannu tɔ Alla yakɔrɔ, wonu ya anu naburun-a-ma Alla bato tinɛ.

Lankɛnimayɛ 12:1

Wo kɔma, kabana-ko-gbɛrɛ bɔra Arinyɛni tɔ. Musi do bɔra gbɛ rɔ nyɔ min fɛrɛya bɔnɛ tele la. Karɛ ye a kin kɔrɔ. Lolo tan-ni-fila mara mansaya-fulɛ la a kunyɛ la.

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Lankɛnimayɛ 21:5

Wo kɔma, min mayiginɛ mansaya-sigi-fan rɔ, wo ko, “Nba, kaka, n bi fan bɛɛ mala a kurɛ la!” A ya a fɔ n ye fanan ko, “Kɛ sɛbɛ bawo kumɛ kɛnu, tonyɛ le. Mɔgɛ si la wonu na le feu!”

Lankɛnimayɛ 22:2

A ye yigila soe tɛma den! Nimaya-kɔlɔmanu bi bɛ wo tɔnkɔn bɛɛ rɔ. Anu bi gbɔla kinyama tan-ni-fila san kɔrɔ. Anu yanba-kunyɛnu bi sibolenu nakɛndɛyala.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Lankɛnimayɛ 7:4

Nba, Allala mandan sigira minnu telɛ ma, wonu yatɛ fɔra n ye. Wo le mɔgɔ waga kɛmɛ, mɔgɔ waga bi-nani ani waga nani bɔra Isirɛla bɔnsɔn bɛɛ rɔ (144,000).