Matiyu 19:21 - ALLALA KUMƐ

²¹ Yisa ya a fɔ a ye ko, “Ni i ye a fɛ, i ni kanbali, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Matiyu 19:21 ပူးပေါင်းရင်းမြစ်များ

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 6:9

Den-kei mɔgɔ sawa ye Nowa bolo nun, Sɛma wo, Hama wo, anubɛ Yefɛti. Duninya fanɛ wunduyogoyɛ anubɛ karagbɛlɛyɛ la kɔnɔ wo wati rɔ, Nowa kelan le mɔgɔ-latelennɛ la Alla yala duninya rɔ. Nowa tora Allala kilɛ fɛ.

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yaburi 37:37

Mɔgɔ-nyimɛ mafɛlɛn ka mɔgɔ-latelennɛ lakɔrɔsi. Min yisi-kimanɛ, kun-nadiyɛ si kɛ wola dannu ye.

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Matiyu 19:20

Keminɛ wo ko, “N bara tɔn wo bɛɛ bira. A tonɛ nfen ma tun?”

Matiyu 19:22

Keminɛ ya wo lamɔɛn tumɛ min, a yisi-magboyanɛ tara bawo bana le nun.

Matiyu 19:28

Yisa ya a fɔ anu ye ko, “Wo ni wo hɛnkili to kɛ ko! Dali-kurɛ wa ke tumɛ min, nde, Hadama-dan wa sigi nta mansaya-waganɛ gbiliyanɛ rɔ, wo tan-ni-filɛ bɛɛ si wo sigi mansaya-sigi-fannu tɔ ka Isirɛla bɔnsɔn tan-ni-filɛ kiti tɛgɛ,

Matiyu 4:19

Yisa ya a fɔ anu ye ko, “Wo ni bila n fɛ. N si wo madegen mɔgɔ-nyini-nya la Alla ye iko mɔgɛ si yɛgɛnu nyini nya min ka anu bira.”

Matiyu 5:48

Wo ni wo telen iko i Fa Alla min bi Arinyɛni tɔ, wo telennɛ nya min.”

Matiyu 8:22

Yisa ya a fɔ a ye ko, “Bila n fɛ. Mɔgɔ-faganɛnu ni anuna mɔgɔ-faganɛ togon.”

Matiyu 9:9

Nba, Yisa bɔra nyɔ tumɛ min, a ya duti-makelelɛ do yen. A tɔgɛ Matiyu. A siginɛ ala wɔli-kɛ-tinɛ. Yisa ya a fɔ a ye ko, “Bila n fɛ.” Matiyu ya a lasɔ ka bila a fɛ.

Maraka 10:21

Yisa ya a mafɛlɛn sin! Keminɛ wola ko diyara a ye. A ko, “A tonɛ ko kelen ma gbɛ, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Maraka 2:14

A tamatoe, a ya duti-makelelɛ do yen, wo tɔgɛ Lifayi, Alafala dan. A siginɛ ala wɔli-kɛ-tinɛ. Yisa ya a fɔ a ye ko, “Bila n fɛ.” Lifayi ya a lasɔ ka bila a fɛ.

Maraka 8:34

Yisa ya nyama anubɛ ala karan-dannu kele a wara. A ya a fɔ anu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Luka 12:33

Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ,

Luka 14:33

Yisa ko, “A ye wo nya na le, wole kelen bɛrɛn ti ke mala nna karan-dan la fɔ a wa a ban a bolo-fan bɛɛ la.

Luka 16:9

Yisa ya a fɔ ko, “N bi a fɔla wo ye, wo ni wo diyana-mɔgɛnu nyini wo nyɛrɛ ye duninya-nɔnfuli rɔ, woletɔ ila nɔnfuli wa ban tumɛ min, Alla si wo rabira a warɛ Arinyɛni tɔ!

Luka 18:22

Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 5:27

Wo kɔma, Yisa bɔra luyi ma. A ya duti-makelelɛ do yen siginɛ ala wɔli-kɛ-tinɛ. A tɔgɛ Lifayi. Yisa ya a fɔ a ye ko, “Bila n fɛ.”

Luka 6:40

Karan-den wo karan-den ma tenbi a karan-mɔgɛ la. Kɔnɔ karan-den wo karan-den wa ban karanna, a si ma iko a karan-mɔgɔ.

Luka 9:23

A ya a fɔ anu damasi ye ko, “Ni mɔgɔ-wo-mɔgɔ ye a fɛ ka bila nde fɛ, a ni a nyɛrɛ wara-koe bɔrɔbɔ. Tele-wo-tele, a ni a nyɛrɛ faga-kɔlɔma bi ka bila n fɛ.

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Kɛwɔlɛnu 2:45

Anu ya anuna duginu anubɛ anuna bolo-fannu feri ka wodi wo rafara anu dama tɛma iko anu kelen-kelennamɛ-bɛɛ makoe ye nya min.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!