Matiyu 18:20 - ALLALA KUMƐ

²⁰ ado mɔgɔ fila, ni wo ma, mɔgɔ sawa wa bɛn n tɔgɔ rɔ, n bi anu tɛma nyɔ.”

Matiyu 18:20 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Isikiyɛli 46:10

Mɔgɛnu bi donna wati min, mansɛ fanan bi donna wati wo le. A ye a mala wo nya na le fanan, anu tenbi bɔla.

Sakaraya 2:5

I ni a fɔ a ye fanan ko Mari nyɛrɛ ko ale si ma ta-belebele la soe wola foolɛ rɔ iko tarɛ, alako a ni a kandan. A ko ale nyɛrɛ anubɛ ata wan-takɛ si a mayigi nyɔ.”

Matiyu 18:21

Wo kɔma, Pita nara Yisa wara ka a manyinika koe do ma. A ko, “Mari, ni n na-kelen-nyɔgɛ tora hakɛ kɛla n na, n ni a makoto iko yili? Kinyama wɔrɔnfila, wa?”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Yɔni 8:58

Yisa ya anu yabi ko, “N bi tonyɛ fɔla wo ye, yanni Iburayima ni sɔrɔn, nde ye nyɔ nun.”

1 Tɛsalonaika 1:1

Nde, Pɔli wo, Sailasi wo, anubɛ Timoti, male le ye kɛdi kɛ sɛbɛla wo ma. Ma ye kɛdi kɛ sɛbɛla dɛnkɛninya-mɔgɛnu ma minnu bi Tɛsalonaika soe burɔ. Ma Fa Alla anubɛ ma tigi Yisa Kirasitita mɔgɛ le wole la. Alamɛ Allata hinɛ anubɛ yisi-kimɛ tora wo fɛ.

Failiman 1:2

Ma ye a latalala chɔchi-mɔgɛnu fanan ma minnu nadɛnnɛ ila bɔn la. Ma ye a latala ma na-kelen-nyɔgɔ-musumɛ Afiya ma, mabɛ min bi dɛnkɛninyɛ rɔ. Ma ye a latala ma wɔli-kɛ-nyɔgɛ Akipasi fanan ma.

Lankɛnimayɛ 2:1

“I ni kɛdi sɛbɛ ka a lata Ɛfɛsa-chɔchi-melika ma. “ ‘Lolo wɔrɔnfilɛ biranɛ nde min bolo-nyimɛ rɔ, nta sarakanɛ le kɛ la, ado n bi tagamana sɛnɛ-lɛnpu-sigi-fen wɔrɔnfilɛ wonu tɛma.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.