Matiyu 16:27 - ALLALA KUMƐ

²⁷ ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 16:27 ပူးပေါင်းရင်းမြစ်များ

Yobu 34:11

Mɔgɔ ya ko-wo-ko ma, a si i sara wola ko la. A ye anu birala iko anu kɛ-nya ye nya min.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

Hɛnkilimaya-Kumɛnu 24:12

Ni i ya a fɔ ko, “Ndeta sa kɛ rɔ,” Alla ya a lɔn i ya i bole bɔ a rɔ min na, wo si a ma, a ni i kiti. Alla ye i mafɛlɛnna, ado a ya a lɔn min bi i burɔ. A si i sara iko i kɛ-nya ye nya min.

Makawandili Kumɛnu 3:17

N ya n miri n nyɛrɛ ma ko Alla si telenbɛlɛnu anubɛ telenbagɛnu kiti bawo koe bɛɛ ani a wati le.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Isikiyɛli 18:20

Min bi hakɛ kɛla, wo le ye fagala. Dan ti tɔrɔ a fala hakɛla ko la, ado fa fanan ti tɔrɔ ala dan hakɛla ko la. Mɔgɔ-nyimɛ si ata ko-nyima-sarɛ sɔrɔn. Karagbɛlɛ si ata karagbɛlɛya-sarɛ sɔrɔn.

Isikiyɛli 7:27

Wola mansɛnu si to dila. Anuna dannu kumakɔnɛ si to. Mɔgɛ bɛɛ ra si maga kilan bolo. N si wo tɔrɔ ka a tɛgɛ wo ara minnu ma. N si wo kiti iko wo duruta doinu kitila nya min. Wo si a yira wo la wo rɔ ko Mari le nde la.”

Daniyɛli 7:10

Tɛ ye bɔla waganɛ wo kɔrɔ iko ba-yi. Melika-wulu-yirika-siyaman sɔnɛ a yakɔrɔ. Wonu bi ata wɔlɛ kɛla. Kiti-tɛgɛlɛnu ya anu sigi ka kiti-sa-bukunu dɛ laka.

Sakaraya 14:5

A tɛmɛ wo si ma wunban la. Wunban wo si ma wo buri-kɛ-kilɛ la. Wo si wo buri iko wo benbanu ya a ma nya min dugu-yɛrɛyɛran kɔrɔ Yuda Mansɛ Yusayata wati rɔ. Nta Mari Alla si na ata melika bɛɛ la a bolo.

Matiyu 13:41

Mɔgɛ minnu bi donu sɔla hakɛ-kɛ-tinɛ anubɛ min bɛɛ ye ko-yogomɛ kɛla, nde, Hadama-dan si nta melikanu sɔ wonu nadɛn tinɛ ka anu nabɔ nta mansayɛ rɔ.

Matiyu 13:49

A si ma wo nya na le wati-laban-tumɛ. Melikanu si ta ka mɔgɔ-yogomɛnu nadɛn ka anu bɔ mɔgɔ-nyimɛnu tɛma.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!

Matiyu 25:31

“Nde, Hadama-dan wa na nta mansayɛ rɔ tumɛ min nta melikanu fɛ, n si n sigi nta mansaya-sigi-fan rɔ.

Matiyu 26:64

Yisa ya a fɔ a ye ko, “Iko i ya a fɔ nya min, a ye wo nya le, yɔ! Kɔnɔ n ni a fɔ wo dama ye ka a dabira bi ma, wo si nde, Hadama-dan siginɛ yen Sɛnbɛ Bɛɛ Tigi kɔɛn-nyimɛ rɔ. Wo si n namatoe yen banda-fin-gbɛ rɔ!”

Matiyu 8:20

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Maraka 14:62

Yisa ya a yabi ko, “Wo le nde la, ado wo dama si nde, Hadama-dan siginɛ yen sɛnbɛ bɛɛ tigi kɔɛn-nyimɛ rɔ. Wo si n namatoe yen ka bɔ san-kole rɔ banda finyɛ rɔ!”

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Luka 21:27

Nba, nde, Hadama-dan si bɔ gbɛ rɔ wo wati rɔ. N bi nala banda-fin-gbɛ rɔ sɛnbɛ anubɛ gbiliya-ba rɔ.

Luka 22:69

Kɔnɔ ka a dabira bi ma, nde, Hadama-dan si n sigi Alla sɛnbɛ-tigi kɔɛn-nyimɛ rɔ.”

Luka 9:26

Ni mɔgɛ ya a kan-kɔ sɔ nde anubɛ nna karan la, nde, Hadama-dan wa na nta gbiliyɛ anubɛ n Fa Allata gbiliyɛ anubɛ melika-sɛnimɛnuta wati wa ke tumɛ min, nde fanan si n kan-kɔ sɔ wo tigi la.

Yɔni 21:22

Yisa ya a yabi ko, “Ni n bi a fɛ, ale ni to ha n ni na, ila ko le wo rɔ? Bila n fɛ tun!”

Yɔni 21:23

Nba, kumɛ kɛ nyɛnsɛnta Yisala karan-dannu tɛma ko ala karan-dan doi kɛ ti faga. Kɔnɔ Yisa ma a fɔ ko a ti faga. A ko, “Ni n bi a fɛ, ale ni to ha n ni na, ila ko le wo rɔ?”

Kɛwɔlɛnu 1:11

Anu ko, “Wole Kalili kɛnu, wo sɔnɛ yan kama san mafɛlɛn la? Yisa kɛ, min bara bɔ wo tɛma kɛ la ka yɛlɛ Arinyɛni tɔ, a si na tun wo nya iko wo ara a yen tala Arinyɛni tɔ nya min.”

Romu 14:12

Ma kelen-kelennamɛ-bɛɛ si ma nyɛrɛ dantɛgɛ Alla ye worɔ.

Romu 2:6

bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

1 Kɔrɛnti 15:23

Kɔnɔ Alla si mɔgɔ kelen-kelennamɛ-bɛɛ lawuli a wati-latɛgɛnɛ rɔ. Kirasiti le a fɔlɔtɛ la. Wo kɔma, Kirasiti wa na tun, minnu taranta ale rɔ, wonu si bila a fɛ.

1 Kɔrɛnti 3:13

Kɔnɔ Kirasiti wa na tumɛ min, mɔgɔ kelen-kelennamɛ-bɛɛta wɔli-kɛ-gbɛ si bɔ gbɛ rɔ bawo tɛ si mɔgɛ bɛɛta wɔli-kɛ-gbɛ labɔ gbɛ rɔ wulɔn tele. Tɛ si a kɔrɔbɔ ka a mɔlɔn labɔ gbɛ rɔ.

1 Kɔrɛnti 8:8

Ma ti ke Alla hɛnɛna dɔn-fen dɔn-koe la. Ni ma ma a dɔn, wo ti ma bɔnɔ fenfen tɔ. Ni ma ya a dɔn fanan, ma ti tɔnɔ-wo-tɔnɔ sɔrɔn wo rɔ.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Ɛfɛsa 6:8

Wo ni a lɔn ko i mara yɔɔn na wo, i mara hɔrɔ la wo, Mari si mɔgɛ bɛɛ sara ala wɔli-nyimɛla ko la.

Kɔlɔsi 3:25

Kɔnɔ ni wo ya ko-yogomɛ kɛ, wo si wo sarɛ sɔrɔn bawo Alla ti mɔgɔ lafisaya anu nyɔgɔn ko. Mɔgɛ bɛɛ kelen a yala.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

Yemesi 5:7

Nba, n na-kelen-nyɔgɛnu, wo ni wo muin ha Mari ni na. Wo ni sɛni-salɛta munyu-nya mafɛlɛn. A ye ala sɛnɛ makɔnɔna munyu-ba rɔ, ha a ni banda-yi-kun-fɔlɔtɛ anubɛ a laban sɔrɔn. A ye a fɛ, ala ki-fannu ni ma-a-la ka nanfa.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

Yude 1:14

Ma benba Hadama bɔnsɔn wɔrɔnfila nyɔgɛ, n fa Inɔki, kɔni, wo ya wɔlɔyiyɛ kɛ foninya-karan-mɔgɔ wonuna ko la kebi fɔlɔ. A ko, “Wo ni wo tole masɔ! Mari si na ala melika-sɛnimɛ waga siyaman na a bolo

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.