Matiyu 14:13 - ALLALA KUMƐ

¹³ Yisa ya Yɔni faga-koe lamɔɛn tumɛ min, a sigira kulɔn rɔ ka ta kan tinɛ do rɔ mɔgɔ-wo-mɔgɔ sa kan min. Mɔgɛnu ya a ta-koe lamɔɛn min kɛ, anu bɔra anuna soenu tɔ ka ta a wara anu kian ma.

Matiyu 14:13 ပူးပေါင်းရင်းမြစ်များ

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Matiyu 12:15

Yisa ya a faga-koe wo lamɔɛn Farasinu bolo tumɛ min, a bɔra nyɔ ka ta. Mɔgɔ siyaman bilara a fɛ. A ya kirayatoe bɛɛ lakɛndɛya.

Matiyu 14:12

Yɔnila karan-dannu nara ka a furi bi ka ta a togon. Wo kɔma, anu tara wo fɔ Yisa ye.

Maraka 1:35

Wo banda kɛ, subaga dɛ ma, Yisa tara soe kɔma a dan na Alla matara tinɛ.

Luka 4:42

Banda-ka-dɛ ma, Yisa bɔra soe burɔ ka ta a dan na kan tinɛ do rɔ. Mɔgɛnu ya a nyinɛ dabira. Anu ya a yen tumɛ min, anu ya a madiya alako a kana ta.