Matiyu 13:46 - ALLALA KUMƐ

⁴⁶ A ya a nyima-nyima kelen yen tumɛ min, a sɛgira a bolo-fan bɛɛ feri tinɛ ka kuru-da-gbɛlɛ wo san.”

Matiyu 13:46 ပူးပေါင်းရင်းမြစ်များ

Hɛnkilimaya-Kumɛnu 2:4

I ni a nyini iko mɔgɛ si dugu-kɔrɔ-nɔnfuli nyini nya min. I ni to a nyinina iko mɔgɛnu bi wodi nyinina nya min.

Aiseya 33:6

A si a ma, Yerusalɛm ni sigi yiri! A si wole, ala mɔgɛnu kumafunfan. A si hɛnkili anubɛ ko-kɔrɔ-lɔn di wo ma. Min di wo ye wo dama ko, wo le Allata gbiliyɛ la.

Matiyu 13:44

Yisa ko, “Alla min bi Arinyɛni tɔ, ata mansayɛ mani de iko nɔnfuli min dogonnɛ gbɛkole do rɔ. Kei do ya a yen ka a yamatogon tun. A sewara kati! A tara a bolo-fan bɛɛ feri. Wo kɔma, a sɛgira ka gbɛkole wo san.”

Matiyu 13:45

Yisa ko, “Alla min bi Arinyɛni tɔ, ata mansayɛ mani de fanan iko fen-mayiralɛ min bi kuru-da-gbɛlɛ nyinina.

Matiyu 13:47

Yisa ko, “Alla min bi Arinyɛni tɔ, ata mansayɛ mani de iko yalɛ min nakɛnɛ dalɛ rɔ, yɛgɛ-su bɛɛ biranɛ min tɔ.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kalesiya 6:14

Kɔnɔ nde si n kɔgɔ raka ma Mari Yisa, Allata-Mɔgɔ-Yabɔnɛ faga-kɔlɔma dɔrɔn dela ko la. Ka a tɛgɛ ata fagɛ kɔlɔma ma, nde faganɛ duninya rɔ, duninya fanan faganɛ nde rɔ.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

Lankɛnimayɛ 18:12

Anuna sɛnɛ wo, anuna wodi-gbɛ wo, anuna kuru-da-gbɛlɛmɛnu wo, anubɛ anuna kɔnɔ-kolo-da-gbɛlɛmɛnu, wonu sanna sa nyɔ tun. Anuna linɛn-kura-nyimɛnu anubɛ kura-bilolamɛnu, anuna kura-manunkunɛ, anubɛ kura-wulannu, wo fanan sanna sa nyɔ tun. Anuna kɔlɔma-hakikɛnu wo, anuna sogo-ba-nyin nadannɛ fan minnu na wo, kɔlɔma-da-gbɛlɛmɛnu wo, anubɛ silɛɛ wo, nɛgɛ wo, anubɛ bɛrɛ-kurinu wo, wo fanan sanna sa nyɔ tun.

Lankɛnimayɛ 21:21

Kɔnɔ-kolo-da-gbɛlɛ, wonu denu nadannɛ a da tan-ni-filɛ wonu na. Da wo kelen-kelennamɛ-bɛɛ ladannɛ kɔnɔ-kolo-da-gbɛlɛ kelen-kelennamɛ-bɛɛ la. Soe wo kilɛ ladannɛ sɛnɛ-hakikɛ le la. A gbɛnɛ iko daimon.