Matiyu 13:38 - ALLALA KUMƐ

³⁸ Sɛnɛ wo kɔrɛ le duninya kɛ la. Sugu-nyimɛ wo kɔrɛ le mɔgɛ minnu bi Allata mansayɛ rɔ. Bin-kole, wo kɔrɛ le Setanɛta mɔgɛnu na.

Matiyu 13:38 ပူးပေါင်းရင်းမြစ်များ

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Yaburi 22:30

Ma kegeyɛnu si ala wɔlɛ kɛ. Wonu si ma tigi wara-koe fɔ anuta dannu ye.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Matiyu 5:37

Ni i ko, ‘Ɔn,’ a ni ma ɔn la. Ni i ko, ‘Ade,’ a ni ma ade la. I wa min fɔ wo kɔma, wo bɔnɛ Setanɛ bolo.

Matiyu 8:12

Kɔnɔ minnu bɛnnɛ nun ka don Allata mansayɛ rɔ, wonu na si fili pinpi-makilannɛ rɔ. Anu si di nyɔ ka anu nyin masɔgɔ dumɛ bolo.”

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Yɔni 12:24

N bi tonyɛ fɔla wo ye, sugu-kolo kelen ti siyaya fɔ ni anu ya a ki dugi rɔ, ado anu ba a ki dugi rɔ, a si ma iko a ara faga. Wo kɔma, a si fɛrɛn ka siyaya.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Kɛwɔlɛnu 13:10

A ko, “Ile, Setanɛta dan! Fan min bɛɛ kin, i ye wonu kan ma. I burɛ lafanɛ ko-yogomɛ sifa bɛɛ la. Tuma-wo-tuma, i ye i rayala ka Marita tonyɛ yɛlɛma foninyɛ la!

Romu 10:18

Kɔnɔ n ni nyinikalɛ kɛ. Yahudiyanu ya sarakanɛ kɛ lamɔɛn, ba? Tonyɛ le, anu ya a lamɔɛn. Iko a sɛbɛnɛ Allala kitabu rɔ nya min ko, “Sarakanɛ kɛ kera duninya kan tinɛ bɛɛ rɔ. A kera ha duninya dan la.”

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

Romu 8:17

Alla ara duwɛ min mara ala dan, Yisa ye, mabɛ Kirasiti si wo sɔrɔn ma nyɔgɔn fɛ bawo ala dan le male fanan na, ado ni ma tɔrɔta Yisa fɛ, ma bɛɛ si gbiliyɛ sɔrɔn ma nyɔgɔn fɛ.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.