Matiyu 12:45 - ALLALA KUMƐ

⁴⁵ A si ta worɔ ka na nyina wɔrɔnfila gbɛrɛ la a bolo minnu yogo ale nyɛrɛ ko. Anu si na ka anu sigi a fɛ bɔn wo la. Nba, mɔgɛ wola ban si yogoya ka tenbi a fɔlɔtɛ la. A si ma bita mɔgɔ-yogomɛnu na wo nya na le fanan.”

Matiyu 12:45 ပူးပေါင်းရင်းမြစ်များ

Saraka-Masɔlɛnuta Tɔnnu 13:20

Ni wo ya a mafɛlɛn, a ni a yen sumunɛ wo denkɛ rayiginɛ kibon-kibon, a ni a yen fanan a fɛrɛma-siyi min bi sumunɛ wo dɛ rɔ, wo fanan gbɛnɛ, saraka-masɔlɛ si a fɔ worɔ ko sumunu-tigi sɛninyani ma. Kiraya-yogomɛ le kɛ la min ya a dabira sumunɛ rɔ.

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 12:44

a si a fɔ a nyɛrɛ ye ko, ‘N bɔra bɔn min na, sɔn, n ni sɛgi nyɔ.’ Nba, a si sɛgi ka bon-takolɔn taran. A sɛninyanɛ. A bɛɛ rabɛnnɛ feu!

Matiyu 17:21

Kɔnɔ ko-sufa kɛ ti ke mala fɔ Alla matarɛ anubɛ sun-don fɛ.”]

Matiyu 23:15

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo si kɔgɔ-yi tɛgɛ ka ta nyamanɛ bɛɛ rɔ alako mɔgɔ-kelen-bɛrɛn si tubi ka don wola dina rɔ. Wo wa a sɔrɔn tumɛ min, wo si ale ma nyahanama-mɔgɛ la ka tenbi wo nyɛrɛ la!

Matiyu 23:24

Fiyɔn-kun-tiginu! Wo ye wola min-kɛ-yi maserendila alako mɛnɛ-mɛnɛnɛnu ni bɔ a rɔ kɔnɔ wo ye nyomɛ lakununa!

Maraka 16:9

Yisa wulita tumɛ min ka bɔ furinu tɛma Lɛhɛrɛ sɔgɔma, a bɔra gbɛ rɔ Mariyama Magadala kɛ fɔlɔn ye, a ya nyina wɔrɔnfilɛ gben min fɛ, kɔni.

Maraka 5:9

Woletɔ Yisa ya a manyinika ko, “I tɔgɛ ye kama?” Nyinɛ wo ya a yabi ko, “N tɔgɔ le Nyama bawo ma siya!”

Luka 11:26

A si ta worɔ ka na nyina-wɔrɔnfila-gbɛrɛ la a bolo minnu yogo ale nyɛrɛ ko. Anu si na ka anu sigi a fɛ bɔn wo la. Nba, mɔgɛ wola ban si yogoya a fɔlɔtɛ ko.”

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

Hiburunu 10:39

Kɔnɔ wo mɔgɔ ma male la min si sɛgi a kɔma ka halaki. Mala dɛnkɛninyɛ le ye a yirala ko ma kisinɛ.