Matiyu 12:39 - ALLALA KUMƐ

³⁹ Yisa ya a fɔ anu ye ko, “Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.

Matiyu 12:39 ပူးပေါင်းရင်းမြစ်များ

2 Mansɛnu 14:25

Mansa Yɛrabowami kɛ ya Isirɛla nyamanɛ tɔnkɔn bi anu yogenu bolo tun. Ka a bi Hamati kɔnkɔ-gbɛran ma kantɔ-wara la ha ka ta ke Dalɛ Faganɛ ma dugula wara la, a ya wo damasi bi, ado Isirɛlata Mari Alla ara kɛ lanyiri kiri nun ata wɔli-kɛlɛ Amitayila den Nɛbi Yona ye. Kati-Hifa kɛ le ale Yona kɛ la.

Aiseya 57:3

Mari ko wole bolo-tafɛlɛnnɛnu, wo na yan wole yɛlɛn-dannu, wole kenita-dannu,

Yona 1:1

Lunyɛ do, Mari kumara Amitayila den Nɛbi Yona ye ko,

Matiyu 16:4

Wole sɔn-yogoma-tiginu anubɛ Alla-lɔnbɛlɛnu, wo ye n manyinikala ko n ni kabana-koenu kɛ wo ye, nyɛ? Wo ti kabana-ko-gbɛrɛ yen fɔ Nɛbi Yonata kabana-koe.” Woletɔ a bɔra anu fɛ ka ta.

Maraka 8:12

Yisa kurunta, a ko, “Nfenna mɔgɛ kɛnu bi kabana-koe manyinikala n bolo tolon? Ado nfan, wo ni wo hɛnkili to kɛ ko! Kabana-ko fenfen ti kɛ mɔgɛ kɛnu ye mumɛ!”

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.