Matiyu 11:28 - ALLALA KUMƐ

²⁸ “Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Matiyu 11:28 ပူးပေါင်းရင်းမြစ်များ

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 5:7

Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yaburi 116:7

N ya a fɔ n nyɛrɛ ma ko, “N bi hɔnna nfenna gbɛ?” Mari nyimayanɛ n ye.

Yaburi 32:4

Mari, su-ni-tele, i ye n tɔrɔla nun. N sɛnbɛ ara ban fegba iko yi wa gbala telemɛ rɔ.

Yaburi 38:4

N buinɛ nna hakɛ tɛma iko mɔgɔ si to bɛ rɔ nya min. Nna hakɛ wonu gbili iko mɔgɔ ti ke dunɛ min na.

Yaburi 94:13

I si a ma, wo ni a sulen tɔrɔyɛ ma ha denkɛ ni sin karagbɛlɛ wonu ye.

Makawandili Kumɛnu 1:14

N bara koe kɛ bɛɛ lakɔrɔsi duninya ma kɔnɔ duninya ragbɛlɛ! Ko-sufa wo mani de iko mɔgɔ tenbi fɔnyɔ birala.

Makawandili Kumɛnu 1:8

Dan sa a la. Dɛ ti ban kumala. Yɛ ti wasa ko mafɛlan la. Tolo-bɛrɛn ti bandan kuma-lamɔɛn la.

Makawandili Kumɛnu 4:8

Mɔgɛ do ye nyɔ, a kelan le siginɛ. Den sa a bolo, ado a na-kelen-nyɔgɔn sa. A sɛbɛ donnɛ wɔlɛ ma bɛrɛbɛrɛkɛ kɔnɔ a ye fan minnu sɔrɔnna, wonu ti a wasa. A ye wɔli-belebele wo kɛla yonna ko la ka a kan-kɔ sɔ nyɛrɛ-ladiyɛ la? Mɔnima-wɔli-su wo ragbɛlɛ de!

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 28:12

Mari ye lafɛrɛ anubɛ ko-nyimɛ dila wo ma nun kɔnɔ wo ya wo ban wo la a bolo.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Yɛrɛmaya 31:25

Fanka sa minnu na, a si wonu kolo gbɛlɛya tun. Kɔnkɛ ara minnu bɔ anu su la, a si wonu buyi lafa.

Yɛrɛmaya 35:16

A ko Yonadabu mamanɛnu bara anu benba kan to a gbɛ rɔ kɔnɔ wole, Isirɛla mɔgɛnu ma sɔn ale Mari kan tola a gbɛ rɔ.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Matiyu 23:4

Anu si dunu-wɛ lakiri ka a sigi mɔgɛnu kuma kɔnɔ anu denu ti sɔn hali ka anu bolo-nɔlɔnɛ tugu dunɛ wonu na.

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 7:37

Ladiya-tele wola ban, min bi a bɛrɛbɛrɛ-wɛ la, Yisa ya a lasɔ. A kumara a kulu-mayɛlɛnɛ la ko, “Ni min kan lagbalanɛ, a ni na nde wara ka a min.

Kɛwɔlɛnu 15:10

Nfenna worɔ, wo ye a fɛ ka Alla ladiminya ka dunɛ sa dɛnkɛninya-mɔgɛ kɛnu kuma? Ado nfan, mabɛ ma benbanu ma ke dunɛ wo dununa.

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!

2 Tɛsalonaika 1:7

Wole minnu tɔrɔnɛ, a si sulen di wole anubɛ male fanan ma. Mari Yisa wa na tumɛ min, anubɛ ata melika-sɛnbɛmɛnu, ale Alla si wo tɔrɔlɛnu tɔrɔ

Hiburunu 4:1

Nba, Alla ya lanyiri kiri ma ye ko ma si don sulen tinɛ wo rɔ, ado lanyiri wo tonɛ a ma min kɛ, ma ni a ma ma fɛrɛma ko ma fenfen kana na foo sulan wo la iko ma benbanu.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.