Matiyu 10:41 - ALLALA KUMƐ

⁴¹ Min ba Allala kilayɛ rabira bawo Allala kilayɛ le, ale fanan si barayi sɔrɔn iko kilayɛ wo. Min ba mɔgɔ-nyimɛ rabira bawo mɔgɔ-nyimɛ le, ale fanan si barayi sɔrɔn iko mɔgɔ-nyimɛ wo.

Matiyu 10:41 ပူးပေါင်းရင်းမြစ်များ

Ko-Dabirɛnu 20:7

I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

Aiseya 3:10

Mɔgɔ-telennɛnu si sewa, ado anu bara-koe si ta yarɔ. Anu si anu tɔrɔ-gbɛnu tɔnɛ sɔrɔn.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 25:44

“Nba, anu si n yabi ko, ‘Mari, ma ya i kɔnkɔtoe yen tumɛ nyamintan, ka, i kan-lagbalanɛ, ka, bon sa i bolo, ka, i gbu-makolɔn, ka, i kirayanɛ, ka, i ye yele la, ma ma sɔn i dɛnbɛna?’

Matiyu 25:45

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ma wo ma wo la min kɛ, wo ma a ma nde le la wo la!’

Matiyu 6:1

Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Matiyu 6:18

woletɔ mɔgɔ ti a lɔn ko i ye sunyɛ rɔ. I ya sa i Fa Alla min na, wo si wo lɔn. I Fa Alla min bi i yenna a kɛla dogɔn rɔ, wo si i barayi.

Matiyu 6:4

I ni a ma dogɔn rɔ. Woletɔ i Fa Alla min bi i yenna a kɔla dogɔn rɔ, wo si i barayi.

Matiyu 6:6

Kɔnɔ i tenbi madiyali kɛla, i kelan ni don ila konko la ka a dɛ latogon. I ni i Fa Alla madiya, i sa min yenna. Ale i Fa Alla min bi i yenna a kɛla dogɔn rɔ, wo si i barayi.

Matiyu 7:8

Min ba to tarali kɛla, wo si a sɔrɔn. Min ba to nyininɛ kɛla, wo si a yen. Min ba to dɛ matugula, a la si ka wo ye.

Kɛwɔlɛnu 16:15

Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.

Romu 16:23

N yiyalɛ, Keyasi, chɔchi si ladɛn minna bɔn la, a ye wo kɔndɔnna. Irasita min bi soe-wodi-lamarala anubɛ ma na-kelen-nyɔgɔn Kuwata, wonu fanan bi wo kɔndɔnna. [

1 Kɔrɛnti 9:17

Ni n bi wɔlɛ kɛ kɛla n nyɛrɛ sako la, n yili ye n sara-koe le ma worɔ. Kɔnɔ bawo Alla le ya wɔlɛ wo don n bolo, ni n ma sarɛ sɔrɔn, n bara sɔn wo ma.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

2 Yɔni 1:8

Wo ni a ma wo fɛrɛma worɔ. Ma ya min kɛ wo ye nun alako wo kana foo a la fɔ ni wo ya wo barayi-kanbalinɛ sɔrɔn.