Matiyu 10:33 - ALLALA KUMƐ

³³ Kɔnɔ mɔgɔ-wo-mɔgɔ wa a ban n na gbɛ rɔ, nde fanan si n ban a la worɔ n Fa Alla yakɔrɔ min bi Arinyɛni tɔ.

Matiyu 10:33 ပူးပေါင်းရင်းမြစ်များ

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Maraka 14:30

Yisa ya a fɔ Pita ye ko, “Wo ni wo hɛnkili to kɛ ko! Yanni dondɔn ni keke iko fila bi-suyi-kɛ rɔ, i si a fɔ kinyama sawa ko i ma n lɔn.”

Maraka 14:72

Tiriyante wo rɔ, dondɔn keke fila nyɔgɛ kera. Pita ya a miri Yisala kumɛ ma ko, “Yanni dondɔn ni keke iko fila, i si a fɔ iko sawa ko i ma n lɔn.” A ya-yi bɔra biribiri diyi-kɛ bolo.

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Luka 12:9

Kɔnɔ min ba a ban nde la gbɛ rɔ ko nta ma ale la, nde, Hadama-dan si n ban ale fanan na Allala melikanu yala.

Luka 22:57

Kɔnɔ Pita ya a masɔsɔ. A ko, “N ma a lɔn ni!”

Luka 9:26

Ni mɔgɛ ya a kan-kɔ sɔ nde anubɛ nna karan la, nde, Hadama-dan wa na nta gbiliyɛ anubɛ n Fa Allata gbiliyɛ anubɛ melika-sɛnimɛnuta wati wa ke tumɛ min, nde fanan si n kan-kɔ sɔ wo tigi la.

2 Timoti 2:12

Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.

2 Pita 2:1

Foninya-nɛbinu bi fɔlɔ-mɔgɛnu tɛma nya min nun, foninya-karan-mɔgɛnu si taran wo fanan tɛma wo nya na le. Anu si na foninya-karan la, min si halakilɛ kɛ. Mari min ya anu hɔrɔya, anu ya anu kan-kɔ sɔ wo la. Wo si halaki-lakalimɛ lana anu nyɛrɛ kuma.

1 Yɔni 2:23

ado min bi a banna Allala dan la, wo tigi ye a banna ma Fa Alla fanan na. Min bi Allala dan rabirala, ma Fa Alla fanan bi wo tigi bolo.