Matiyu 10:28 - ALLALA KUMƐ

²⁸ Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Matiyu 10:28 ပူးပေါင်းရင်းမြစ်များ

2 Mansɛnu 17:39

Wo ni nta kumɛnu to anu gbɛ rɔ bawo wota Mari Alla le nde la. Ni wo ya wo ma, n si wo latanka wo yogenu ma.”

Yobu 37:24

Mɔgɛ bɛɛ ye kawala a ma. Ni mɔgɛ min miri ko a hɛnkili kolo, Alla ti a wɔlɔ matɔlɔ wo tigi la.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Makawandili Kumɛnu 5:7

I mara kiyo-siyaman-sala la wo, i mara wɔli-fufafu-kɛla la wo, i mara kuma-pɔrɔtɔ-parata-fɔla la wo, ko kelen fisa wo bɛɛ ko. I wa Alla yili-madiya fan min na, fɔ i ni kilan Alla la ka a gbiliya.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Matiyu 10:26

“Nba, wo kana kilan mɔgɛnu na. Fenfen yamatogonnɛ, wo yama si ka. Gbundu-koe bɛɛ la si bɔ gbɛ rɔ.

Matiyu 25:46

“Nba, wonu si ta habadan-tɔrɔyɛ rɔ kɔnɔ telenbagɛnu si ta habadan-nimayɛ rɔ.”

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Yɔni 5:29

Anu si bɔ anuna kanbɛnu tɔ. Minnu ya ko-nyimɛ kɛ, wonu si wuli ka niyi sɔrɔn. Minnu ya ko-yogomɛ kɛ, wonu si wuli ka yilikiyi sɔrɔn.”

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Hiburunu 10:31

Ka don Alla nimɛ bolo tɔ, ko-makilanni-ba le wo la!

Hiburunu 11:35

Anuna dɛnkɛninyɛ fɛ, musinu ya anuna mɔgɛnu kunyɛ bɔ lakira bonda-dɛ kɔrɔ. Yanni donu ni anu ban Alla la, anu sɔnta ka tɔrɔya ha ka faga bawo yigi ye anu bolo ko anu si wuli ka nimaya-bɛrɛ sɔrɔn.

Yemesi 4:12

Ale Alla kelan le tɔn dila ka kiti tɛgɛ. A kelen pe le si ke ka kisili anubɛ halakili kɛ. Yon bi ile la min si i hadama-den-nyɔgɛ yiliki?

1 Pita 3:14

Kɔnɔ hali wo tɔrɔta bawo wo ye ko-telennɛ kɛla, mɔgɔ-sewanɛ le wo la worɔ! Wo kana kilan mɔgɛnu na, ado wo kana hɔn anuna ko la.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.