Maraka 9:32 - ALLALA KUMƐ

³² Kɔnɔ anu ma kumɛ wo kɔrɛ lɔn, ado anu kilanta a manyinikala.

Maraka 9:32 ပူးပေါင်းရင်းမြစ်များ

Maraka 16:14

A laban, Yisa bɔra gbɛ rɔ ala karan-den tan-ni-kelan ye, anu bi anu de-nyinina tumɛ min. A ya anu makuma anuna dɛnkɛninyabɛlitayɛ anubɛ anuna tolo-gbɛlɛyɛla ko la bawo minnu ya a nimɛ yen, anu ma la wonuna sereyɛ la.

Maraka 7:18

Yisa ya a fɔ anu ye ko, “Ha ka, wo ma hɛnkili sɔrɔn kɛ ma? Fenfen ti yigi mɔgɔ burɔ min si a latinya

Maraka 8:33

Yisa ya a yɛ lamunun ala karan-dannu na. A ya Pita makuma, a ko, “Ile, bɔ n fɛ. I ye Setanɛta kumɛ le fɔ tinɛ wo la! Ila miriya kɛ, mɔgɛnu miriya le wo la kɔnɔ Allata miriya ma wo la!”

Maraka 9:10

Anu ya ala kumɛ bira kɔnɔ anu ya wo fɔɛ dabira anu gbansan tɛma. Kɔnɔ anu ko, “ ‘Ka wuli ka bɔ furinu tɛma,’ wo kɔrɛ ye kama?”

Luka 18:34

Yisala karan-dannu ma kɛ fenfen nya-yen bawo kumɛ wo kɔrɛ dogonta anu ma. Yisa ye kumala minna ko la nun, anu ma wo lɔn.

Luka 2:50

Kɔnɔ a ya min fɔ anu ye, anu ma ban wo nya-yenna.

Luka 24:45

A ya anu hɛnkili ya-maka alako anu ni Allata kitabu nya-yen.

Luka 9:45

Kɔnɔ ala karan-dannu ma kɛ kɔrɛ lɔn. Alla ya wo kɔrɛ dogon anu ma, woletɔ anu ma ke a nya-yenna. Anu kilanta fanan ka a manyinika wo kɔrɛ ma.

Yɔni 12:16

Kɔnɔ wo wati ya a taran, ala karan-dannu ma kɛ nya-yen. Yisa wulita furinu tɛma tumɛ min ka ata gbiliyɛ sɔrɔn, anu hɛnkili bilara ko kɛ bɛɛ sɛbɛnɛ Allata kitabu rɔ, ado anu bara a yen ko wo bɛɛ mara a ye.

Yɔni 16:19

Yisa ya a lɔn ko a manyinika-sɔgɛ ye anu na, woletɔ a ya a fɔ anu ye ko, “N ti wati-yan bɔ wo fɛ tun. Wati-kundu-ni wa tenbi, wo si n yen tun. Wo sa wo nyɔgɔn manyinikala wo lela ko la?

Yɔni 4:27

Wo wati nyɛrɛ rɔ, Yisala karan-dannu nara. Anu ya Yisa anubɛ musi taran kumala min kɛ, anu kawara dɔgɔma-ma-de! Kɔnɔ anu fenfen ma musi wo manyinika ko, “I ye nyinina nfen ma?” Anu ma Yisa fanan manyinika ko, “I ye kumala a la nfenna?”