Maraka 9:31 - ALLALA KUMƐ

³¹ bawo a ye ala karan-dannu karan tinɛ. A ko, “Anu si nde, Hadama-dan don mɔgɛnu bolo tɔ. Anu si n faga. Kɔnɔ a tele sawa nyɔgɛ, Alla si n nawuli tun ka bɔ furinu tɛma.”

Maraka 9:31 ပူးပေါင်းရင်းမြစ်များ

Matiyu 16:21

Ka a dabira wati wo ma, Yisa wulita a fɔla ala karan-dannu ye ka a gbɛ anu ye ko a fɛrɛ sa fɔ a ni ta Yerusalɛm ka tɔrɔyɛ siyaman sɔrɔn kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. A ko anu si a faga nyɔ. A tele sawa nyɔgɛ, Alla si a lawuli tun ka bɔ furinu tɛma.

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Matiyu 26:2

“Iko wo ya a lɔn nya min, a ara to tele fila, Kanan-Ko-Ladiyɛ ni ke. Nba, anu si nde, Hadama-dan don n yogenu bolo tɔ. Anu si n gbangban kɔlɔma ma.”

Matiyu 27:63

Anu ko, “N fa, foninya-fɔlɛ wo ya min fɔ wo tumɛ a kɛndɛ, ma hɛnkili tonɛ wo ko. A ko tele sawa wa tenbi tumɛ min, a si wuli tun ka bɔ furinu tɛma.

Maraka 10:34

Wonu si n mayɛlɛn ka anu da-yi kɛ n ma. Anu si n gbesi ka n faga. A tele sawa nyɔgɛ, n si wuli tun ka bɔ furinu tɛma.”

Maraka 8:31

Wo kɔma, Yisa ya ala karan-dannu karan dabira. A ko, “A fɛrɛ sa fɔ nde, Hadama-dan ni tɔrɔ Yahudiya-kɛmɔgɛnu anubɛ saraka-masɔla-wɛnu anubɛ tɔn-karan-mɔgɛnu bolo. Anu si anu ban n na ka n faga. A tele sawa nyɔgɛ, Alla si n nawuli tun ka bɔ furinu tɛma.”

Maraka 9:12

A ya anu yabi ko, “Nɛbi Ilaya le fɔlɔn si na serr! A wa na, a si koe bɛɛ sɛgi a gbɛ rɔ. Kɔnɔ nfenna a sɛbɛnɛ Allata kitabu rɔ ndela ko la ko nde, Hadama-dan si tɔrɔ ko mɔgɛnu si anu ban n na?

Luka 24:26

Ko Allata-Mɔgɔ-Yabɔnɛ ni tɔrɔ, wo kɔma, a ni don ata gbiliyɛ rɔ, wo ma bɛn, wa?”

Luka 9:44

“N bi min fɔla wo ye, wo kana nyina wo ko! Anu si nde, Hadama-dan don mɔgɛnuna sɛnbɛ kɔrɔ.”

Yɔni 10:18

Mɔgɔ-wo-mɔgɔ ti n niyi bi n bolo. N si n niyi ni n sako la. Sɛnbɛ ye n bolo ka n niyi ni. Sɛnbɛ ye n bolo ka a bi tun. N Fa Alla ara n sɔ kɛnu ma tinɛ.”

Yɔni 2:19

Yisa ya anu yabi ko, “Wo ni Alla-Bato-Bɔn kɛ wayan, n si a sɔ tun tele sawa kɔrɔ.”

Yɔni 3:14

“Iko Nɛbi Musa ya duguma-fen-misalɛ layɛlɛ kɔlɔma ma san ma wulɛ rɔ nya min, nde, Hadama-dan fanan na si yɛlɛ wo nya.

2 Timoti 2:12

Ni ma tora ma munyuna, ma si kun-tigiyɛ kɛ a fɛ fanan. Ni ma ya ma ban a la, ale fanan si a ban ma la.