Maraka 9:28 - ALLALA KUMƐ

²⁸ Yisa donta bɔn la tumɛ min, ala karan-dannu ya a manyinika dogɔn rɔ ko, “Nfenna male ma ke nyinɛ wo gbenna?”

Maraka 9:28 ပူးပေါင်းရင်းမြစ်များ

Matiyu 13:10

Wo kɔma, ala karan-dannu nara Yisa wara ka a manyinika koe do ma. Anu ko, “I tenbi kumala mɔgɛnu ye tumɛ min, nfenna i si to kumala anu na tilinu tɔ?”

Matiyu 13:36

Wo kɔma, Yisa bɔra nyama tɛma ka don bɔn la. Ala karan-dannu nara a wara. Anu ko, “Bin-kole min bi sɛnɛ rɔ, tili wo kɔrɛ fɔ ma ye.”

Matiyu 15:15

Pita ya a fɔ Yisa ye ko, “I ya tili min tɛgɛ nyama ye wo la, wo kɔrɛ fɔ ma ye.”

Maraka 2:1

Tele-dande kɔma, Yisa sɛgira Kapereniyam soe burɔ. Kumɛ wo nyɛnsɛnta ko a ara a kɔsɛgi a warɛ.

Maraka 3:20

Wo kɔma, Yisa tara a yiyɛ la. Nyama-belebele ya anu nadɛn tun ha Yisa anubɛ ala karan-dannu ma fɛrɛ sɔrɔn hali ka fen dɔn.

Maraka 4:10

Yisa ye a dan na tumɛ min, minnu ya ala karan lamɔɛn, wonubɛ ala karan-den tan-ni-filɛnu nara a wara ka a manyinika ko a ni tili wo faranfasi anu ye.

Maraka 4:34

A ya kawandili min bɛɛ bɔ anu ye, a ya tili le tɛgɛ wo bɛɛ bɔ tinɛ. Kɔnɔ anubɛ ala karan-dannu bi anu dan na tumɛ min, a si wo bɛɛ faranfasi anu ye.

Maraka 7:17

Yisa bɔɛ nyama fɛ ka don bɔn la tumɛ min, ala karan-dannu ya a manyinika tili wo kɔrɛ ma.

Maraka 9:27

Kɔnɔ Yisa ya dan wo bole bira ka a dɛnbɛ a lasɔla. A ya a lasɔ.

Maraka 9:29

Yisa ya anu yabi ko, “Fen-gbɛrɛ ti ke wo sifa gbenna fɔ madiyalɛ.”