Maraka 9:23 - ALLALA KUMƐ

²³ Yisa ko, “Nfenna i ko ni n si ke? Dɛnkɛninyɛ ye min bolo, wo si ke koe bɛɛ kɛla.”

Maraka 9:23 ပူးပေါင်းရင်းမြစ်များ

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Matiyu 14:29

Nba, Yisa ya a fɔ a ye ko, “Na!” Woletɔ Pita bɔra kulɔn rɔ. A ya tagama dabira yi kuma ka ta Yisa wara.

Matiyu 17:20

Yisa ya anu yabi ko, “Wo mara le bawo wola dɛnkɛninyɛ ma kolo. Wo ni wo hɛnkili to kɛ ko! Ni dɛnkɛninyɛ ye wo bolo min kolo ka ke foni-kole rɔ, wo si ke a fɔla kɔnkɛ kɛ ma ko, ‘Bɔ yan ka ta pan!’ A si ta, ado wo si ke koe bɛɛ kɛla dɛnkɛninyɛ fɛ! [

Maraka 9:22

Nyinɛ wo ara a raya a faga-koe ma wati siyaman. A ye a labuila tɛ anubɛ yi rɔ. Ni i si ke a mala, kinikini ma ma ka ma dɛnbɛ!”

Maraka 9:24

Tiriyante wo rɔ, dan wo fa ya a kan labɔ, a ko, “Dɛnkɛninyɛ ye n bolo kɔnɔ a ma kolo. N dɛnbɛ!”

Luka 17:6

Mari ya anu yabi ko, “Ni wola dɛnkɛninyɛ koloyara ka ke foni-kole rɔ, wo si a fɔ toro-kuri kɛ ye ko, ‘I nyɛrɛ wurun dugi rɔ ka ta i sɔ tungban tɛma!’ A si ila kumɛ bira.

Yɔni 11:40

Yisa ya a fɔ a ye ko, “N ma a fɔ i ye nun ko ni i dɛnkɛninyara, i si Allala gbiliyɛ yen?”

Kɛwɔlɛnu 14:9

A ya a tole masɔ Pɔlita kumɛ la. Pɔli ara a yen min kɛ ko kei wo ara dɛnkɛninya Yisa ma, ado a si ke kɛndɛyala, a ya a mafɛlɛn sin!

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.