Maraka 9:21 - ALLALA KUMƐ

²¹ Yisa ya dan wo fa manyinika ko, “Nyinɛ kɛ ara wati yili bɔ a fɛ?” A ya a yabi ko, “Kebi a dennɛ.

Maraka 9:21 ပူးပေါင်းရင်းမြစ်များ

Yobu 14:1

Hadama-dan bɛɛ wa sɔrɔn tumɛ min, anu siyi-fɛ-wuruyanɛ tɔrɔyɛ le tɔ.

Yobu 5:7

Fɔnyɔ si ta-lole ranyɛnsɛn san ma nya min, mɔgɔ si tɔrɔyɛ lana a nyɛrɛ kuma wo nya na le.

Yaburi 51:5

Kebi n na ya n buyi bi tumɛ min, n bi nta sɔn-yogoyɛ kɛ la n bolo.

Maraka 5:25

Musi do taranta nyɔ min bara tɔrɔ san tan-ni-fila kɔrɔ musinuna kirayɛ bolo.

Maraka 9:20

Anu nara a la Yisa wara. Nyinɛ ya Yisa yen nya min wo, a ya dan wo lasɔngbɔn. A buira ka a makuru-kurun dugi ma. A da-kanfɛ ye bɔla.

Maraka 9:22

Nyinɛ wo ara a raya a faga-koe ma wati siyaman. A ye a labuila tɛ anubɛ yi rɔ. Ni i si ke a mala, kinikini ma ma ka ma dɛnbɛ!”

Luka 13:16

Nba, Setanɛ ara Iburayima bɔnsɔn-musi kɛ min kiri san tan-ni-segin kɔrɔ, a ma kin, a ni hɔrɔya ka bɔ ala tɔrɔyɛ rɔ Sulen-Tele ma, wa?”

Luka 8:43

Musi do ye nyɔ musinuna kirayɛ ara min tɔrɔ san tan-ni-fila kɔrɔ. A ara a bolo-fan bɛɛ ni bɛsi-bɔlɛnu ma kɔnɔ wonu fenfen ma ke a dandanna.

Yɔni 9:1

Yisa ye tagamana kilɛ fɛ tumɛ min, a ya kei do yen min sɔrɔnta fiyonyɛ rɔ.

Kɛwɔlɛnu 14:8

Kei do siginɛ Lisitira soe burɔ nun min kiannu faganɛ a la. Kebi a sɔrɔnta, a ma ke tagamana mumɛ!

Kɛwɔlɛnu 3:2

Kei do ye nyɔ min namarayanɛ kebi a sɔrɔnta. Tele-wo-tele, anu si ta a la Alla-Bato-Bɔn tenbi-bolɔn wo la min tɔgɛ ko, “Da-Kinyanɛ.” Minnu bi donna Alla-Bato-Bɔn la, a kɛnɛna wonu matarala wodi ma.

Kɛwɔlɛnu 4:22

Kei minna kɛndɛya-koe mara kabana-koe la wo nya, wola namarayɛ ara tenbi san bi-nani la a bolo nun.

Kɛwɔlɛnu 9:33

A ya kei do taran nyɔ, a tɔgɛ Eniyasi min fɛrɛ-faganɛ a ma. San segin kɔrɔ, a ma ke a lasɔla.