Maraka 9:20 - ALLALA KUMƐ

²⁰ Anu nara a la Yisa wara. Nyinɛ ya Yisa yen nya min wo, a ya dan wo lasɔngbɔn. A buira ka a makuru-kurun dugi ma. A da-kanfɛ ye bɔla.

Maraka 9:20 ပူးပေါင်းရင်းမြစ်များ

Maraka 1:26

Nyina-yogomɛ ya kei wo layɛrɛyɛrɛn bɛrɛkɛ! A bɔra kei wo fɛ wɔrɔndɔ-kan la a bolo!

Maraka 9:18

Nyinɛ wa wuli a la tuma-wo-tuma, a si a labui dugi ma. A da-kanfɛ si bɔ. A si a nyin makinkin. A fɛrɛ bɛɛ si sɔngbɔn. N ya ila karan-dannu madiya ko anu ni nyinɛ wo gben kɔnɔ anu ma ke a gbenna.”

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Maraka 9:21

Yisa ya dan wo fa manyinika ko, “Nyinɛ kɛ ara wati yili bɔ a fɛ?” A ya a yabi ko, “Kebi a dennɛ.

Maraka 9:26

Nyinɛ ye bɔla a fɛ tumɛ min, a gbele-gbelenta ka dan wo lasɔngbɔn bɛrɛkɛ! Dan wo mara iko mɔgɔ-faganɛ, wo le ya a to, mɔgɛ bɛɛ ko, “E, a ara faga!”

Luka 4:35

Yisa ya nyinɛ makuma, a ko, “A sigi-a-la! Bɔ a fɛ!” Nyinɛ ya kei labui anu dama yala. A bɔra a fɛ. A ma a madumɛ hali doni!

Luka 8:29

A ya kɛ fɔ bawo Yisa ya a fɔ nyina-yogomɛ ye ko a ni bɔ kei wo fɛ. Nyinɛ wo ara wuli a la nun iko siyaman. Hali mɔgɛnu ya a bira ka a bolenu anubɛ a kiannu kiri yɔlɔkɛnu na, a si yɔlɔkɛ wonu tɛgɛ ka ta wulɛ rɔ nyinɛ bolo.

Luka 9:39

Nyinɛ si a labui. A si a ma, a ni wɔrɔndɔ wɛ-kɛ ka yɛrɛyɛrɛn ha a da-kanfɛ ni bɔ. A ti a boloka yona fɔ a wa a tɔrɔ.

Luka 9:42

Anu bi nala dennɛ la tumɛ min, nyinɛ ya a layɛrɛyɛrɛn ka a labui. Yisa ya a fɔ nyina-yogomɛ wo ye ko a ni bɔ a fɛ. A ya denni-lakɛndɛyanɛ don a fa bolo tun.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.