Maraka 9:2 - ALLALA KUMƐ

² Tele wɔrɔ kɔma, Yisa ya Pita anubɛ Yemesi anubɛ Yɔni bi ka ta anu na a bolo kɔnkɔ-layan-bɛ do kuma anu dan na. Anu yɛ bɛnnɛ Yisa ma tumɛ min, a yen-nya yɛlɛmanta anu yala.

Maraka 9:2 ပူးပေါင်းရင်းမြစ်များ

1 Mansɛnu 18:33

A ya sɔgɛ ladɛn saraka-mintan-tinɛ wo kuma. Wo kɔma, a ya turɛ wo boso ka wo ladɛn sɔgɛ wo kuma. A ko, “Wo ni bɔnku-daga nani lafa yi la ka wonu tawiya soge anubɛ sɔgɛ kɛ kuma.” Anu ya wo ma.

1 Mansɛnu 18:42

Mansa Ehabu ye fen dɔn kun na tumɛ min, Nɛbi Ilaya yɛlɛta Kamɛli kɔnkɛ kun tɛma. A ya a maburun dugi ma ka a kunyɛ gbangban a kunbelen filɛ tɛma.

Bɔ-Koe-Iyipiti 24:13

Musa anubɛ a gba-fɛ-bilalɛ Yasowa wulita ka yɛlɛ kɔnkɛ kuma.

Aiseya 33:17

Wo si mansɛ yen gbiliya-wɛ rɔ tun. Ala nyamanɛ kolo dɔgɔma-ma-de!

Aiseya 53:2

A luruba-lurubɛ Alla yala iko ki-fen-hakikɛ min suli ye dugu-gbalanɛ rɔ. Kɔnɔ hadama-dan yɛ-bɔ-kunya-wo-kunya sa a la. A yen-nya si a ma, a mafɛlɛn-sɔgɛ ti mɔgɛ bira.

Matiyu 14:13

Yisa ya Yɔni faga-koe lamɔɛn tumɛ min, a sigira kulɔn rɔ ka ta kan tinɛ do rɔ mɔgɔ-wo-mɔgɔ sa kan min. Mɔgɛnu ya a ta-koe lamɔɛn min kɛ, anu bɔra anuna soenu tɔ ka ta a wara anu kian ma.

Maraka 14:33

Wo kɔma, a ya Pita anubɛ Yemesi anubɛ Yɔni bi ka ta anu na a bolo. A yisi wulita a tɔrɔla!

Maraka 16:12

Wo kɔma, Yisa bɔra gbɛ rɔ nya-gbɛrɛ ma mɔgɔ fila ye, wo tumɛ anu bi kilɛ la.

Maraka 5:37

A ma sɔn mɔgɔ-gbɛrɛ ni bila a fɛ fɔ Pita anubɛ Yemesi anubɛ Yemesi na-kelen-nyɔgɛ, Yɔni.

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

2 Kɔrɛnti 13:1

Iko a sɛbɛnɛ Allata kitabu rɔ nya min ko, “Mɔgɔ kelenna sereya-bɔɛ ti a ma, wo ni mɔgɛ yiliki fɔ sereya fila, ni wo ma, sawa.” Nba, n kinyama sawa nyɔgɔn le kɛ la gbɛ, n bi nala wo kɔndɔnna.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.