Maraka 9:18 - ALLALA KUMƐ

¹⁸ Nyinɛ wa wuli a la tuma-wo-tuma, a si a labui dugi ma. A da-kanfɛ si bɔ. A si a nyin makinkin. A fɛrɛ bɛɛ si sɔngbɔn. N ya ila karan-dannu madiya ko anu ni nyinɛ wo gben kɔnɔ anu ma ke a gbenna.”

Maraka 9:18 ပူးပေါင်းရင်းမြစ်များ

Yobu 16:9

Allala fondo-labɔɛ ya n gbegbe. N bi nna gboyanayɛ yenna a kolonkɛ ma.

Yaburi 112:10

Ni karagbɛlɛ ya mɔgɔ-sufa kɛ yen, tɛ si sigi a yisi la. A si a yakɔrɛ sisi. Wo si a ma, a fɛrɛ ni ban a ma feufeu! Yigi-wo-yigi ti taran a bolo tun.

Matiyu 15:22

Musi do ye nyamanɛ wo rɔ, Kenan kɛ le wo la. A nara Yisa wara. A gbele-gbelenta ko, “N fa, Mansa Dawudala dan, kinikini n ma! Nyinɛ ye nna dunmusi fɛ. A tɔrɔnɛ kati!”

Matiyu 17:16

N nara a la ila karan-dannu bara kɔnɔ anu ma ke a lakɛndɛyala.”

Matiyu 8:12

Kɔnɔ minnu bɛnnɛ nun ka don Allata mansayɛ rɔ, wonu na si fili pinpi-makilannɛ rɔ. Anu si di nyɔ ka anu nyin masɔgɔ dumɛ bolo.”

Maraka 9:17

Mɔgɔ kelen bi nyama tɛma, wo ya a yabi ko, “Karan-mɔgɔ, n bara na nna dan la i wara bawo nyina-yogomɛ ye a fɛ. A ti ke kumala.

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Maraka 9:20

Anu nara a la Yisa wara. Nyinɛ ya Yisa yen nya min wo, a ya dan wo lasɔngbɔn. A buira ka a makuru-kurun dugi ma. A da-kanfɛ ye bɔla.

Maraka 9:26

Nyinɛ ye bɔla a fɛ tumɛ min, a gbele-gbelenta ka dan wo lasɔngbɔn bɛrɛkɛ! Dan wo mara iko mɔgɔ-faganɛ, wo le ya a to, mɔgɛ bɛɛ ko, “E, a ara faga!”

Kɛwɔlɛnu 7:54

Yahudiyanuna kun-tigi wonu ya kumɛ wo lamɔɛn tumɛ min, anu yisi bɔra Sitifen kan ma dɔgɔma-ma-de! Diminyɛ wo ya a ma, anu ya anu nyin makin.

Yude 1:13

Anu manɛ iko kɔgɔ-yi tenbi tugula a rɔ. Anu bi miliya-kɛwɔlɛnu sala gbɛ ma iko yi-kanfɛ. Anu manɛ fanan iko lolo min bi tɛgɛla a la san ma. Alla ara pinpi-fin-bɛ mara mɔgɛ kɛnu ye tɛban!