Maraka 8:33 - ALLALA KUMƐ

³³ Yisa ya a yɛ lamunun ala karan-dannu na. A ya Pita makuma, a ko, “Ile, bɔ n fɛ. I ye Setanɛta kumɛ le fɔ tinɛ wo la! Ila miriya kɛ, mɔgɛnu miriya le wo la kɔnɔ Allata miriya ma wo la!”

Maraka 8:33 ပူးပေါင်းရင်းမြစ်များ

2 Samuwɛli 19:22

Kɔnɔ Mansa Dawuda ya a fɔ ale Abisayi anubɛ a kɔrɔ Yohabu ye ko, “Yon ya i manyinika nun? A sɔgɛ ye wo la, wo ni nanparan di n ma, wa? Isirɛla mansɛ le nde la bi, ado a ma bɛn, Isirɛla mɔgɔ-wo-mɔgɔ ni faga bi tele.”

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Saraka-Masɔlɛnuta Tɔnnu 19:17

“Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Matiyu 15:23

Kɔnɔ Yisa ma kuma a la. Yisala karan-dannu nara a wara ka a madiya. Anu ko, “Musi kɛ gbɛn ma fɛ! A bilanɛ ma fɛ sɔnkɔ-sɔnkɔla tolon!”

Matiyu 16:23

Yisa ya a yɛ lamunun Pita la, a ko, “Ile, bɔ n fɛ. I ye Setanɛta kumɛ fɔ tinɛ wo la! Lagbaran-fan le ile la kilɛ la nde ye bawo ila miriya kɛ, mɔgɛnu miriya le wo la kɔnɔ Allata miriya ma wo la!”

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Maraka 3:34

Minnu siginɛ a dafɛ, a ya wonu mafɛlɛn. A ko, “N na anubɛ n dɔgɛnu denu bi kɛnu na!

Maraka 3:5

Yisa ya anu dama mafɛlɛn. A diminyara anu ma kɔnɔ a kinikinita anu ma fanan anuna yisi-gbɛlɛyɛla ko la. A ya a fɔ kei wo ye ko, “I ni i bole rasagan.” A ya a bole rasagan nkɛkuna, a kɛndɛyara kelenna!

Luka 22:61

Mari ya a yɛ lamunun Pita la ka a mafɛlɛn sin! Pita ya a miri Marila kumɛ ma, a ya min fɔ ko, “Yanni dondɔn ni keke bi, i si a fɔ iko sawa ko i ma n lɔn.”

Luka 4:8

Yisa ya a yabi ko, “A sɛbɛnɛ Allata kitabu rɔ ko, ‘I ni ita Mari Alla kelen pe le bato ka ale kelen peta wɔlɛ kɛ!’ ”

Luka 9:55

Yisa ya a tintan anu na ka anu makuma. [Yisa ko, “Wo ma a lɔn wo sɔndɔmɛnu bi nya min. Nde, Hadama-dan ma na ka mɔgɛnu niyi kasara kɔnɔ fɔ ka anu kisi.”]

1 Kɔrɛnti 5:5

wo ni ko-yogoma-kɛlɛ wo don Setanɛ bolo. Wo ni wo ma alako hali Setanɛ wa a fɛrɛ-bɔnkɛ tinya, Mari Yisa wa na lunyɛ min, a niyi si kisi.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

Taita 1:13

Nɛbi wo ya min fɔ, tonyɛ le. Wo le ya a to, i ni anu makuma bɛrɛkɛ alako anu ni dɛnkɛninya-kɛndɛ sɔrɔn.

1 Pita 4:1

Kirasiti fɛrɛ-bɔnkɛ tɔrɔta a ma min kɛ, woletɔ wole fanan ni wo sɛbɛ don miriya kelan wo ma bawo ni min fɛrɛ-bɔnkɛ tɔrɔta, wonubɛ hakɛ ti taran kila kelen fɛ.

1 Yɔni 2:15

Wo kana duninya keni, anubɛ fan minnu bi duninya rɔ. Ni wo ya duninya keni, ma Fa Alla keni-ko sa wo yisi rɔ worɔ.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.