Maraka 8:30 - ALLALA KUMƐ

³⁰ Nba, Yisa ya a fɔ anu ye ko, “Wo kana n wara-koe fɔ mɔgɔ-wo-mɔgɔ ye.”

Maraka 8:30 ပူးပေါင်းရင်းမြစ်များ

Matiyu 16:20

Wo kɔma, Yisa ya a fɔ ala karan-dannu ye ko anu kana a fɔ mɔgɔ-wo-mɔgɔ ye ko Allata-Mɔgɔ-Yabɔnɛ le ale la mumɛ!

Matiyu 8:4

Wo kɔma, Yisa ya a fɔ a ye ko, “I tole masɔ! I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara tiriya! I ni i nyɛrɛ yira a la iko tɔn ya a fɔ nya min. Nɛbi Musa ya sarakɛ minna ko fɔ, i ni wo bɔ ka a yira mɔgɛ bɛɛ la ko i wara kɛndɛya.”

Maraka 7:36

Wo kɔma, Yisa ya a fɔ anu dama ye ko anu kana wo fɔ mɔgɔ-wo-mɔgɔ ye. Kɔnɔ iko a ya a fɔ anu ye nya min ko anu kana a fɔ mɔgɔ-wo-mɔgɔ ye, anu denu tora a fɔla ka tenbi wo la.

Maraka 8:26

Nba, Yisa ya a lata a warɛ kɔnɔ a ko, “I kana sɛgi soe tun.”

Maraka 9:9

Anu bi yigila kɔnkɛ la tumɛ min, Yisa ya a fɔ anu ye ko, “Wo ara ko-rayirɛ min yen kɛ, wo kana wo fɔ mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”

Luka 9:21

Yisa ya anu makawandi ko anu kana kɛ fɔ mɔgɔ-wo-mɔgɔ ye.