Maraka 8:11 - ALLALA KUMƐ

¹¹ Farisi donu nara ka Yisa-sɔsɛ dabira a kɔrɔbɔ tinɛ. Anu ya a fɔ a ye ko a ni kabana-koe do yira anu na ka bɔ Arinyɛni tɔ alako anu ni a lɔn ni Alla le ye a fɛ.

Maraka 8:11 ပူးပေါင်းရင်းမြစ်များ

Bɔ-Koe-Iyipiti 17:2

Woletɔ mɔgɛnu nyɛɛra Musa ma ko, “Yi di ma ma.” Musa ya a fɔ anu ye ko, “Wo ye tɛgɛla Mari rɔ ka a kɔrɔbɔ nfenna ko la? Wo ye nyɛɛla nde ma kama worɔ?”

Bɔ-Koe-Iyipiti 17:7

Isirɛla mɔgɛnu ya gbunya-kumɛ dabira Mari ma a kɔrɔbɔ-koe la min kɛ alako ka a lɔn ni Mari ye anu tɛma, ka, ni a sa anu tɛma. Woletɔ a ya kan tinɛ wo tɔgɔ sa Kɔrɔbɔ Tinɛ anubɛ Sɔnkɔ-Sɔnkɔya.

Malakayi 3:15

Alla ko wole mirinɛ ko mɔgɔ-wasinɛnu denu dɔrɔn sewanɛ. Karagbɛlɛnu bara-koe ye tala yarɔ. Wo mirinɛ ko hali anu bi Alla rasumanna anuna ko-yogoma-ladan la, a sa anu tɔrɔla.

Matiyu 12:38

Wo kɔma, tɔn-karan-mɔgɛ donu anubɛ Farisi donu ko, “Karan-mɔgɔ, ma ye a fɛ ka i yen kabana-koe do kɛla.”

Matiyu 19:3

Farisi donu nara a wara a kɔrɔbɔ tinɛ. Anu ya a manyinika ko, “Mala tɔn si sɔn ko a wa diya kei ye wati-wo-wati, a ni a ban ala musi la, wa?”

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Matiyu 22:15

Farisinu tara ka gbundu kiri anu si ta Yisa da-kɔrɔbɔ nya na.

Matiyu 22:18

Kɔnɔ gbundu-koe min kirinɛ a kan ma, Yisa ya wo bɛɛ lɔn. Woletɔ a ko, “Wole nyɛrɛ-mayiralɛnu, wo ye n da-kɔrɔbɔ-koe rɔ nfenna?

Matiyu 22:23

Tele kelan wo rɔ, Sadusi donu nara Yisa wara. (Wonu denu bi a fɔla ko mɔgɛnu ti wuli ka bɔ sayɛ rɔ.)

Maraka 12:15

Kɔnɔ Yisa ya anuna yanfɛ yen. A ya a fɔ anu ye ko, “Wo ye wo rayala n bira-koe ma nfenna? Na duti-wodi do la, n ni a mafɛlɛn.”

Maraka 2:16

Farisi minnu bi tɔn-karan-mɔgɔyɛ la, wo donu ya Yisa yen fen-dɔn la hakɛ-tiginu anubɛ duti-makelelɛnu fɛ tumɛ min, anu ya ala karan-dannu manyinika ko, “Nfenna Yisa ye fen-dɔn la duti-makelelɛnu anubɛ hakɛ-tiginu fɛ?”

Maraka 9:16

Yisa ya ala karan-dannu manyinika ko, “Wobɛ wonu bi wo nyɔgɔn sɔsɔla nfenna ko la?”

Luka 10:25

Nba, tɔn-karan-mɔgɛ do nara Yisa kɔrɔbɔ tinɛ. A ya a manyinika ko, “Karan-mɔgɔ, n si nfen ma alako n ni habadan-nimayɛ sɔrɔn?”

Luka 11:16

Donu bi a fɛ ka Yisa kɔrɔbɔ, woletɔ anu ya a fɔ a ye ko a ni kabana-koe do kɛ min si a yira ko Alla le ya sɛnbɛ kɛ di a ma.

Yɔni 4:48

Yisa ya a fɔ a ye ko, “Ni wo ma ko-wɛ anubɛ kabana-koenu tayen, wo fenfen ti dɛnkɛninya.”

Yɔni 6:30

Anu ya a manyinika tun ko, “I si nfen kabana-ko-tamasere yira ma la min si a ma, ma ni la i la? I si nfen ma?

Yɔni 7:48

Wo ya male kun-tigi do lɔn min bara la a la, ni wo ma, Farisi donu?

Yɔni 8:6

Anu ya kɛ fɔ Yisa bira-koe le la alako anu si a maburi nya min. Kɔnɔ Yisa ya a madu ka sɛbɛli kɛ dugi ma a bolo-nɔlɔnɛ la.

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

1 Kɔrɛnti 10:9

Ma kana Mari kɔrɔbɔ wona iko wo do ya a ma nya min, ha duguma-fannu ya anu faga.

Tɔn-Fɔɛ-Fila-Nyɔgɛ 6:16

“Wo kana wota Mari Alla kɔrɔbɔ iko wo ya a ma nya min Kɔrɔbɔ-Tinɛ wulɔn.