Maraka 7:9 - ALLALA KUMƐ

⁹ A ko fanan, “Ado nfan, halliya-kilɛ ye wo bolo ka wo ban Allala tɔn la alako wo ni wo nyɛrɛla namu bira nya min!

Maraka 7:9 ပူးပေါင်းရင်းမြစ်များ

Yaburi 119:126

Mari, ita sɛnbɛ-mayira-tumɛ le bawo mɔgɛnu bi ita tɔnnu tinyana.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Daniyɛli 11:36

“Min ba diya ale Siriya mansɛ ye, a ye wo le mala. A si a wasi a la ko ale kolo bɛsɛ bɛɛ ko hali Alla nyɛrɛ Min Bi Fan Bɛɛ Kun Na. A si to a sɔn kɛ kun na furr, ha a tɔrɔya-wati ni ke Alla bolo. Alla si a latɛgɛ iko a miriyanɛ ye nya min.

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Maraka 7:13

Wo ara Allala kumɛ ma fuyi la wola namunu fɛ worɔ, ado wo ye donu karanna wonu na. Nba, wo ye kɛ siyaman-su kɛla.”

Maraka 7:3

Farisinu anubɛ Yahudiyanu ya namu min sɔrɔn anu benbanu bolo, wo le ko anu ti fen dɔn fɔ anu ba anu bole laku a kilɛ fɛ.

Maraka 7:5

Woletɔ Farisinu anubɛ tɔn-karan-mɔgɛ wonu ya Yisa manyinika ko, “Nfenna ila karan-dannu sa ma benbanuna namu birala fɔ ka fen-dɔn-kɛ anu bolo-lakubɛlɛ la?”

Romu 3:31

Dɛnkɛninyɛ si tɔn-kitabu wara-koe ma fuyi la worɔ? Wo ma de! Dɛnkɛninyɛ le si a ma, ma ni tɔn-kitabu gbiliya kati!

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

Kalesiya 1:14

N tenbira n ta-nyɔgɔn siyaman na Yahudiyanuna dina rɔ. Ma benbanuna namunyɛ hɔnya taranta n na bɛrɛkɛ!

Kalesiya 2:21

N ti n kan-kɔ sɔ Allala hinɛ la mumɛ! Ni mɔgɛ si ke telenna Alla ye tɔn-birɛ fɛ, Kirasiti fagara le worɔ fufafu!

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.