Maraka 7:5 - ALLALA KUMƐ

⁵ Woletɔ Farisinu anubɛ tɔn-karan-mɔgɛ wonu ya Yisa manyinika ko, “Nfenna ila karan-dannu sa ma benbanuna namu birala fɔ ka fen-dɔn-kɛ anu bolo-lakubɛlɛ la?”

Maraka 7:5 ပူးပေါင်းရင်းမြစ်များ

Matiyu 15:2

“Nfenna ila karan-dannu sa ma benbanuta karan birala? Yanni anu ni fan dɔn, anu ti anu bole laku mumɛ iko a sɛbɛnɛ tɔn rɔ nya min!”

Maraka 7:13

Wo ara Allala kumɛ ma fuyi la wola namunu fɛ worɔ, ado wo ye donu karanna wonu na. Nba, wo ye kɛ siyaman-su kɛla.”

Maraka 7:8

Nba, Yisa ko, “Wo ara Allala tɔn boloka ka mɔgɛnuna namu bira.”

Maraka 7:9

A ko fanan, “Ado nfan, halliya-kilɛ ye wo bolo ka wo ban Allala tɔn la alako wo ni wo nyɛrɛla namu bira nya min!

Kɛwɔlɛnu 21:21

A fɔra anu ye nun ko Yahudiya min bɛɛ siginɛ sibolo-gbɛrɛnuna nyamanɛnu tɔ ko i ye wonu karanna ko hali anu ma Musata tɔn bira. Anu ya a lamɔɛn ko anu kana anuna dannu nakemininya anubɛ anu kana Yahudiyanuna namunyɛ bira.

Kɛwɔlɛnu 21:24

I ni bila anu fɛ. Wo ni sɛninya wo nyɔgɔn fɛ iko tɔn ya a fɔ nya min. I ni anu makoenu nyinya alako anu kunyɛ si sii nya min. Woletɔ bɛɛ si a lɔn ko koe minnu fɔra anu ye ila ko la ko tonya ma wo fenfen na. Anu si a yen ko ile nyɛrɛ si Musata tɔn bira a kilɛ fɛ.

Romu 4:12

Minnu kemininyanɛ, wonu fanan benba le ale Iburayima la kɔnɔ ka a tɛgɛ anuna kemininyɛ, wo ma. Iburayima mara anu benba la bawo yanni a ni keminiya tumɛ min, a ye dɛnkɛninyɛ min tɔ nun, anu denu fanan taranta dɛnkɛninya kelan wo rɔ.

Kalesiya 1:14

N tenbira n ta-nyɔgɔn siyaman na Yahudiyanuna dina rɔ. Ma benbanuna namunyɛ hɔnya taranta n na bɛrɛkɛ!

2 Tɛsalonaika 3:11

Ma ye kɛ fɔla wo ye bawo ma ara a lamɔɛn ko mɔgɛ donu bi wo tɛma minnu bi tinya-mansayɛ la, ado wɔli-wo-wɔli sa anu bolo fɔ nafigiyɛ.

2 Tɛsalonaika 3:6

Ma na-kelen-nyɔgɛnu, ma ye a fɔla wo ye ma Mari Yisa tɔgɛ rɔ ko minnu bara anu ban wɔli-kɛ-koe ma, wo ni fara wonu na feu! Wonu sa mala kumɛ birala, ado male ma anu nabila wo la.