Maraka 7:4 - ALLALA KUMƐ

⁴ Wo kɔma fanan, anu ko anu ba fenfen san feri-kɛ-tinɛ, anu ti wo dɔn fɔ anu ba anu nyɛrɛ sɛninya fɔlɔn. Namu siyaman gbɛrɛ ye anu bolo, anu ya minnu sɔrɔn anu benbanu bolo iko yi-lafɛ maku-nya anubɛ dagɛnu anubɛ bara-mawulannu.)

Maraka 7:4 ပူးပေါင်းရင်းမြစ်များ

Yaburi 26:6

N Mari, n bara n bole mafiran ka a yira i la ko n yilikini ma. N bara tugun ila mɔgɛnu na minnu bi ila saraka-mintan-tinɛ lafoola.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Yɛrɛmaya 35:5

N ya yi-lafɛnu nafa nɔnbɔ-gbɔ-yi la ka wonu sigi Rɛkabu kebilɛ wonu kɔrɔ. N ko, “Wo ni wo min.”

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Matiyu 23:25

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo ye wola yi-lafɛnu anubɛ piletinu kɔmɛ makula, ado wo ya min sɔrɔn kɔrɔndiyɛ anubɛ wunduyogoyɛ la, a burɛ fanɛ fan wonu na.

Matiyu 23:26

Wole Farisi fiyɔnnu! Wo ni yi-lafɛ-burɛ sɛninya fɔlɔn. Ni wo ya wo ma, a kɔmɛ fanan si sɛninya worɔ!

Matiyu 27:24

Pailɛti ya a yen tumɛ min ko a ti nɔ-ko sɔrɔn anu ma, ado sɔnkɔ-sɔnkɛ ye nala bɔla-a-rɔ le, a ya yi bi ka a bole laku nyama yala. A ko, “Ndeta sa kei kɛ faga-koe rɔ! Wota kɛwɔli le wo la!”

Maraka 7:8

Nba, Yisa ko, “Wo ara Allala tɔn boloka ka mɔgɛnuna namu bira.”

Yɔni 2:6

Tɔn do ye Yahudiya-dina rɔ ku-kɛ-koe rɔ. Wo le ya a to, kuru-daga wɔrɔ siginɛ nyɔ yi-dagayɛ la. A kelen-kelennamɛ-bɛɛ nya kelen si kalɔn nya mogan nyɔgɔn bɔ, ni wo ma, bi-sawa.

Yɔni 3:25

Yɔnila karan-dan donu anubɛ Yahudiya mɔgɛ donu ya sɔsɔli-sɛ dabira ka a bɛn ku-kɛ-koe ma iko anuna dina ya a fɔ anu ye nya min.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

1 Yɔni 1:7

ado ma sa ko-latelennɛ kɛla kɔnɔ ni ma tora waan rɔ iko ale ye waan rɔ nya min, ta-nyɔgɔnyɛ ye ma bolo ma nyɔgɔn fɛ worɔ. Allala den Yisa yele si ma sɛninya ka ma bɔ ma hakɛ bɛɛ rɔ.