Maraka 7:21 - ALLALA KUMƐ

^21-22 Miriya-yogomɛ minnu si mɔgɔ don kisimiriya-koe rɔ, wo le kankanyɛ wo, mɔgɔ-fagɛ wo, yɛlɛnyɛ wo, nata-yogomɛ wo, ko-yogoma-su bɛɛ wo, yanfɛ wo, ko-kɔsɔnɛ wo, keliyɛ wo, mɔgɔ-rafɔɛ wo, wasinteyɛ wo, anubɛ kalokalonteyɛ. Wonu denu si bɔ mɔgɔ yisi rɔ.

Maraka 7:21 ပူးပေါင်းရင်းမြစ်များ

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yobu 14:4

Fen-sɛninyanɛ ti bɔ hadama-dan rɔ min sɛninyabɛlɛ.

Yobu 25:4

Mɔgɔ ye nyɔ min telennɛ Alla yala, wa? Hadama-dan do ye nyɔ fɛɛ sa min na Alla yala?

Yaburi 119:36

Ita tɔnnu-bira-sɔgɛ ladon n yisi rɔ. Wo fisa n ye nɔnfulu-wa-sɔrɔn ko.

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 14:3

Kɔnɔ anu dama ara anu kan-kɔ sɔ a la. I ti do-wo-do matuntun do ye ko-yogoma-kɛ rɔ. Hali mɔgɔ-den-kelen sa anu tɔ min si ko-nyimɛ kɛ.

Yaburi 53:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan le mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 53:3

Kɔnɔ anu dama ara anu kan-kɔ sɔ a la. I ti do-wo-do matuntun do ye ko-yogoma-kɛ rɔ. Hali mɔgɔ-den-kelen sa anu tɔ min si ko-nyimɛ kɛ.

Hɛnkilimaya-Kumɛnu 15:25

Mari si mɔgɔ-wasinɛnu kɔmɛ rade dogbe kɔnɔ a si kɛɛ-musi latanka ka a wara-koe lasabati.

Hɛnkilimaya-Kumɛnu 4:23

A ma i fɛrɛma i miri tinɛ bawo tɔ-a-la, i miri-nya si ma i kɛ-nya la.

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Isikiyɛli 38:10

N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Matiyu 9:4

Yisa ya anuna miriya ragbɛ. A ko, “Wo ye wo mirila ko-yogomɛ ma nfenna?

Maraka 7:20

A ko, “Min si bɔ mɔgɔ yisi rɔ, wo le si a latinya.

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Kɛwɔlɛnu 5:4

Yanni i ni ila dugi feri, itɛ le nun. I banta a ferila tumɛ min, itɛ le wodi wo la nun. Kɔnɔ nfenna i ya a latɛgɛ i yisi rɔ ka kɛ ko sifa ma? I ma foninyɛ fɔ mɔgɛ ye. I ya foninyɛ fɔ Alla le ye!”

Kɛwɔlɛnu 8:22

I ni miriya-yogomɛ kɛ boloka ka Mari madiya. A ni i makoto miriya sifa kɛla ko la.

Romu 7:5

Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo.

Romu 7:8

Kɔnɔ hakɛ le ya a ma, nata-su bɛɛ wulita nde rɔ tɔn wo fɛ, ado ni tɔn wara-ko sa nun, hakɛ ti sɛnbɛ sɔrɔn ma ma nun.

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Yemesi 2:4

i ya nfen ma wo la? Wo yilikinɛ lafisayalɛ bolo worɔ wo nyɔgɔn tɛma. Wola kiti-tɛgɛ-yogomɛ kɛ ma kin mumɛ!