Maraka 7:14 - ALLALA KUMƐ

¹⁴ Wo kɔma, Yisa ya nyama kele a wara tun ka a fɔ anu ye ko, “Wo ni wo tole masɔ ka koe kɛ nya-yen a kilɛ fɛ!

Maraka 7:14 ပူးပေါင်းရင်းမြစ်များ

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

1 Mansɛnu 22:28

Nɛbi Mɛkaya ya a fɔ ale mansɛ ye ko, “Ni ile kɛndɛ sɛgira tun ka bɔ kɛlɛ rɔ, nba Mari ma kuma nde ye worɔ. Mɔgɛ bɛɛ ni a yili to nna kumɛ kɛ ko.”

Yaburi 94:8

Wole ko-yogoma-kɛlɛnu, nfenna hɛnkili sa wo bolo? Wole ye hɛnkili sɔrɔnna muntuma?

Hɛnkilimaya-Kumɛnu 8:5

Ni denniya-koe le i bolo ma, i fara wonu na. I ni don kinaya-ko-ladan rɔ. Ni i ye yuwaya-ko-ladan le la, i fara wo la. I ni don hɛnkilimaya-ko-ladan rɔ.

Aiseya 6:9

A ya a fɔ n ye ko n ni ta kilayɛ kɛ fɔ mɔgɛnu ye. N ni a fɔ anu ye ko hali anu ya anu tole masɔ nya-wo-nya, anu ti a nya-yen. Hali anu ya a mafɛlɛn nya-wo-nya, anu ti a lɔn ni min bi mala.

Yɛrɛmaya 25:2

Nde, Yɛrɛmaya ya a fɔ wole, Yerusalɛm so-burɔ-mɔgɛnu anubɛ Yuda nyamanita-mɔgɛ toenu ye ko

Matiyu 15:10

Wo kɔma, Yisa ya nyama kele a wara. A ya a fɔ anu ye ko, “Wo ni wo tole masɔ ka koe kɛ nya-yen a kilɛ fɛ!

Maraka 7:13

Wo ara Allala kumɛ ma fuyi la wola namunu fɛ worɔ, ado wo ye donu karanna wonu na. Nba, wo ye kɛ siyaman-su kɛla.”

Maraka 7:15

Mɔgɛ ye fan min bɛɛ dɔnna, wo fenfen ti a latinya kɔnɔ min bi bɔla mɔgɔ yisi rɔ, wo le si a latinya. [

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Kɛwɔlɛnu 8:30

Filipi ya a buri ka ta. A ya a lamɔɛn, a ye Nɛbi Aiseyata buku karanna. Woletɔ a ya a manyinika ko, “I ye min karanna wo la, i wara hɛnkili sɔrɔn wo ma, wa?”