Maraka 6:3 - ALLALA KUMƐ

³ Bon-tuwalɛ le ma kɛ la, Mariyamala dan, kɔni? Yemesi, Yusufu, Yudasi, anubɛ Saimon, a dɔgɔ-keminɛnu le wonu na. A dɔgɔ-musi bɛɛ siginɛ yan de!” Woletɔ a bɔrɔbɔnɛ anu bolo. Anu ma sɔn dɛnkɛninyala a ma.

Maraka 6:3 ပူးပေါင်းရင်းမြစ်များ

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Matiyu 11:6

Sika sa ale min tɔ ndela ko la, duwa-dan le wo tigi la!”

Matiyu 12:46

Yisa ye kumala mɔgɛnu ye tumɛ min, a na anubɛ a dɔgɛnu nara. Anu sɔra luyi ma ka nyinikali kɛ ko a yen-sɔgɛ ye anu na.

Maraka 15:40

Musi donu sɔnɛ wula-yan la ka a mafɛlɛn. Salomi anubɛ Mariyama, Magadala kɛ anubɛ Mariyama, Yemesi dɔgɔma anubɛ Yusufu na, kɔni, wonu bi anu tɛma.

Maraka 3:18

Anduru wo, Filipi wo, Batalamiyu wo, Matiyu wo, Tamasi wo, Alifala den Yemesi wo, Tadiyasi wo, Saimon wo (min si kɛlɛ kɛ ata nyamanɛla ko la)

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 7:23

Sika sa min tɔ ndela ko la, duwa-dan le wo tigi la!”

Luka 8:20

Mɔgɛ do ya a fɔ Yisa ye ko, “I na anubɛ i dɔgɛnu sɔnɛ luyi ma. I yen-sɔgɛ ye anu na.”

Yɔni 14:22

Yudasi doi wo, Yudasi Yisikariyɔti ma de, wo ko, “Mari, i si i nyɛrɛ yira male la kɔnɔ i ti i nyɛrɛ yira dɛnkɛninyabɛlɛnu na kama?”

Yɔni 6:42

Woletɔ anu ya nyinikalɛ kɛ ko, “Yisa ma kɛ la, Yusufula dan, wa? Ma ya a na anubɛ a fa lɔn. Nba, a ye a fɔla kama worɔ ko a yigira ka bɔ Arinyɛni tɔ?”

Kɛwɔlɛnu 1:13

Anu donta Yerusalɛm. Anu yiyanɛ san-bɔn min na, anu yɛlɛta nyɔ rɔ. Minnu bi nyɔ nun, wo le Pita wo, Yɔni wo, Yemesi wo, Anduru wo, Filipi wo, Tamasi wo, Batalamiyu wo, Matiyu wo, Alafala dan Yemesi wo, ale Saimon min si kɛlɛ kɛ ala nyamanɛla ko la wo, anubɛ Yemesila dan Yudasi.

Kɛwɔlɛnu 12:17

A ya a bole sa a dɛ la ko anu kana kuma. Mari ya a labɔ yele la nya min, a ya wo bɛɛ rakaran anu ye. A ko, “Wo ni a fɔ Yemesi anubɛ ma na-kelen-nyɔgɔn toe bɛɛ ye min mara.” A bɔra ka ta kan-tina-gbɛrɛ.

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

1 Kɔrɛnti 9:4

A bɛnta mɔgɛnu ni mabɛ Banabasi fanda bawo Marita wɔli-kɛlɛ le male la.

Kalesiya 1:19

N ma kilaya-gbɛrɛ yen fɔ Mari Yisa dɔgɛ Yemesi.

1 Pita 2:4

Wo na Mari ma, Allata kuru-nimɛ, kɔni, mɔgɛnu ya anu ban min na nun. Anu ma a lɔn fenfen na kɔnɔ a yabɔnɛ Alla bolo bawo a gbiliyanɛ Alla ya la.

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.