Maraka 6:14 - ALLALA KUMƐ

¹⁴ Mansa Hɛrodi ya Yisa wara-koe bɛɛ lamɔɛn bawo Yisa mankan ara nyɛnsɛn kan tinɛ bɛɛ rɔ. Mɔgɛ donu ya anu miri ko, “Yɔni-Batasi-Kɛlɛ ara sɛgi a niyi la. Wo le ya a to, a ye kabana-ko-wɛnu kɛla a sɛnbɛ la.”

Maraka 6:14 ပူးပေါင်းရင်းမြစ်များ

2 Ko-Kɔrɔta-Karan 26:15

Ala siyaki minnu kɛwu, wonu ya kɛlɛ-kɛ-fen-kurɛ donu nadan anu si to kuru-wɛnu nafilila min na. Wo kɔma, anu ya donu nadan fanan anu si kalabɛnnu nakɛ min na wula-yan-bɛ la. Anu si wonu sɔ tarɛ-tonkenu tɔ anubɛ nyamanɛ-kumafɛlɛn-bɛndɛ-layan-bɛnu tɔ. Ka a tɛgɛ ata sɛnbɛla ko ma Alla ya min di a ma, ale Mansa Yusaya tɔgɛ tara pon!

2 Ko-Kɔrɔta-Karan 26:8

Amonnu tora duti dila ale Mansa Yusaya ma. Ala mansayɛ ya sɛnbɛ sɔrɔn tumɛ min, a mankan kera fɔɔ Iyipiti nyamanɛ ma.

Matiyu 9:31

Kɔnɔ anu tara Yisata kabana-koe wo nyɛnsɛn nyamanɛ wo kan tinɛ bɛɛ rɔ.

Maraka 1:28

Wo le ya a ma, Yisa mankan nyɛnsɛnta Kalili sigisɔn wo bɛɛ rɔ tiriya!

Maraka 1:45

Kɔnɔ kei wo tara kan tinɛ bɛɛ rɔ koe kɛ lawanka tinɛ mɔgɛnu tɛma. A tora a fɔla ha Yisa ma ke donna so-wo-so burɔ gbɛ rɔ, fɔ ka to a dan na. Kɔnɔ hali wo, mɔgɛnu tora nala a wara ka bɔ kan tinɛ bɛɛ rɔ.

Maraka 8:28

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya. Donu fanan ko nɛbi-gbɛrɛ le.”

Luka 13:31

Wo wati nyɛrɛ rɔ, Farisi donu nara Yisa wara ka a fɔ a ye ko, “A fisa, i ni bɔ yan ka ta kan-tina-gbɛrɛ rɔ bawo i faga-sɔgɛ ye Hɛrodi la.”

Luka 3:1

Mansa-Ba Taibiriyasi, Romu kun-tigi-ba, kɔni, wola mansayɛ san tan-ni-loli nyɔgɛ ma, Pontiyasi Pailɛti fanan bi kun-tigiyɛ la Yahudiya nyamanɛ rɔ, ado Mansa Hɛrodi ye mansayɛ la Kalili sigisɔn kun na. A na-kelen-nyɔgɛ Mansa Filipi ye mansayɛ la Aituriya anubɛ Tarakoniti sigisɔnnu kun na. Mansa Laiseniya ye mansayɛ la Abilin sigisɔn kun na.

Luka 7:17

A mankan nyɛnsɛnta Yudiya tonke bɛɛ rɔ anubɛ nyɔla foolɛ bɛɛ.

Luka 9:19

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya le ile la. Donu fanan ko nɛbi-kɔrɔmɛ do ara wuli tun.”

1 Tɛsalonaika 1:8

ado Marita kumɛ ma dan wo bolo Masidoniya anubɛ Akeya sigisɔn dɔrɔn tɔ. Wo dɛnkɛninyanɛ Alla ma nya min, bɛɛ ya wo lɔn. Hali ma ma wo fɔ tun.

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.