Maraka 5:23 - ALLALA KUMƐ

²³ ka a madiya a sɛbɛ-kuna-wɛ la! A ko, “Nna dunmusu fagamatoe le! I yandi, na. I ni i kɔɛn sa a kuma alako a si kɛndɛya nya min!”

Maraka 5:23 ပူးပေါင်းရင်းမြစ်များ

2 Mansɛnu 5:11

Neyaman ya wo lamɔɛn tumɛ min, a yisi bɔra. A tara a ye. Ale Neyaman tamatoe, a ye a fɔla ko, “Nde ya a lɔn nun ko nɛbi kɛ ye bɔla le nun n bara ka ata Mari Alla madiya n ye ka a bole dun nna kirayɛ kɛ kuma alako n ni kɛndɛya.

Yaburi 107:19

Wo tumɛ anu bi tɔrɔyɛ wo rɔ, anu dira Mari dala. A ya anu kunyɛ bɔ nyankankantan wo rɔ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Matiyu 8:3

Yisa ya a bole sa kirayatoe wo kuma. A ya a fɔ a ye ko, “N bara sɔn i lakɛndɛya-koe ma.” A fɛrɛ kɛndɛyara tiriya!

Maraka 16:18

Anu ba duguma-fan bira, wo ti anu madumɛ. Ni anu ya faga-fan min, a ti ko ma anu na. Anu ba anu bole sa kirayatoenu kuma, wonu si kɛndɛya.”

Maraka 5:24

Yisa bilara a fɛ, ado mɔgɔ siyaman gbɛrɛnnɛ a ma a tɔnkɔn bɛɛ rɔ.

Maraka 6:13

Anu ya nyina siyaman gben ka tuli kɛ kirayato siyaman ma anu kɛndɛya-koe la.

Maraka 7:32

Mɔgɛ donu nara kei-tolo-gberan la, kuma-koe gbɛlɛ min kuma kati! Anu ya Yisa madiya ko a ni a bole sa a kuma.

Maraka 8:23

Yisa ya fiyɔn wo bira a bole ma ka ta a la soe kɔma. Yisa ban a da-yi kɛla a yɛ ma tumɛ min, a ya a bolenu sa a kuma ka a manyinika ko, “I ye fen yenna, wa?”

Luka 13:13

A ya a bole sa a kuma. Musi wo kɔɛ latelenta kelenna! A ya Alla tantoe dabira.

Luka 4:38

Yisa bɔra Yahudiya-dina-bɔn la ka ta Saimon warɛ. Fɛrɛma-kaliya-kirayɛ ye Saimon biran-musi la. Anu ya musi wo wara-koe fɔ Yisa ye.

Luka 4:40

Tele yigi wati, kirayatoe ye mɔgɛ min bɛɛ bolo kiraya-su bɛɛ, anu nara wonu na Yisa wara. A ya a bole sa anu dama kuma ka anu nakɛndɛya.

Luka 7:12

Anu kera so-tarɛ-don-dɛ la tumɛ min, anu ya a taran, mɔgɛnu bi tala furi do la a togon tinɛ, ado kɛɛ-musila den-kei kelen pe, wo le fagara. Nyɔ-mɔgɔ siyaman bilanɛ musi wo fɛ.

Yɔni 11:3

A tirisan-musinu ya kilayɛ lata Yisa ma Kalili sigisɔn rɔ ko, “Mari, i diyana-mɔgɛ kirɛ le.”

Kɛwɔlɛnu 28:8

Mansa Pubiliyasi fa kirɛ sanɛ fɛrɛma-kaliyɛ anubɛ yele-kono-dumɛ bolo. Pɔli donta ala konko la ka a bole sa a kuma. A ya Alla matara a ye. A kɛndɛyara.

Kɛwɔlɛnu 6:6

Nyama ya wonu yira Marita kilayɛnu na. Wonu ya Alla matara anu ye ka anu bole sa anu kuma.

Kɛwɔlɛnu 8:17

Wo kɔma, Pita anubɛ Yɔni ya anu bole sa wonu kuma. Anu fanan ya Allata Ni-Sɛnimɛ sɔrɔn.

Kɛwɔlɛnu 9:12

Ale Sɔli fanan ara ko-rayen-kɛ nun. A ara kei do yen nala a wara ala ko-rayirɛ wo rɔ nun min tɔgɛ Ananayasi. A ke nyɔ, a ya a bole sa a kuma ko-rayirɛ wo rɔ alako a yɛ la ni ka.”

Kɛwɔlɛnu 9:17

Woletɔ Ananayasi tara bɔn wo la. A ke nyɔ, a ya a bole sa Sɔli kuma. A ko, “N na-kelen-nyɔgɛ Sɔli, i ya Mari Yisa min yen kilɛ la, wo le ara n sɔ i wara. A ara n sɔ alako i yɛ la ni ka tun. Wo kɔma, i si fa Allata Ni-Sɛnimɛ la.”