Maraka 5:19 - ALLALA KUMƐ

¹⁹ Kɔnɔ Yisa ma sɔn a ta-koe ma fɔ ka a fɔ a ye ko, “Sɛgi ila denbayɛ wara. Mari ara ko-nyimɛ min kɛ i ye, i ni wo fɔ anu ye.”

Maraka 5:19 ပူးပေါင်းရင်းမြစ်များ

2 Mansɛnu 5:4

Neyaman ya kala sɔrɔn kumɛ kɛ ma tumɛ min, ale Neyaman nyɛrɛ ya a lasɔ ka ta dennɛ wola kumɛ rakaran mansɛ ye.

Yaburi 66:16

Wole minnu si Alla gbiliya, wo na wo tole masɔ. A ara min kɛ n ye, n si wo rakaran wo ye.

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Maraka 5:20

Nba, so-kun-tan minnu bi nyɔla foolɛ rɔ, nyinato-kɔrɛ wo tara wo bɛɛ rɔ. Yisa ya min kɛ a ye, a ya wo bɛɛ fɔ anu ye. Min bɛɛ ya wo lamɔɛn, wonu dama kawara kati!

Luka 8:39

“Sɛgi i warɛ. Mari ara ko-nyimɛ min kɛ i ye, i ni to wo fɔla anu ye.” Kei wo tara soe wo kan tinɛ bɛɛ rɔ ka Yisala kabana-koe rakaran mɔgɛnu ye.

Yɔni 4:29

“Wo na kei do yen min bara n wara-koe bɛɛ fɔ n ye. Fɔsɔkɔrɛ Allata-Mɔgɔ-Yabɔnɛ le min bi nala ma kisi-koe la!”