Maraka 4:38 - ALLALA KUMƐ

³⁸ Yisa ye kinɔgɔ-belebele rɔ kulɔn burɔ a kɔma kilɛ la! A kunyɛ sanɛ kun-kɔrɔ-sɛ kuma. Karan-dannu ya a lakunden. Anu ko, “Karan-mɔgɔ, ma niyi bɔrɔ sa i ye, wa?”

Maraka 4:38 ပူးပေါင်းရင်းမြစ်များ

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Aiseya 64:12

Mari, ni ile nyɛrɛ ya kɛnu yen i kolan la i si ke a birala i rɔ? I radenɛ si to ka tɔrɔya-dunɛ sigi ma kuma, ma ti ke min na?

Nimisa Koe 3:8

N ba Alla rakele n dɛnbɛn-koe la, a ti a wɔlɔ matɔlɔ n na.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Matiyu 8:25

Karan-dannu tara a wara ka a lakunden. Anu ko, “Mari, ma lakisi! Ma ye nala fagala!”

Maraka 4:37

Fɔn-belebele bɔra. Nba, yi ye lunku-lankana a rɔ kulɔn kun na. A tora doni, kulɔn la ni fa yi la.

Maraka 4:39

Yisa kundenta. A ya a fɔ fɔnyɔ anubɛ yi ye ko, “Fɔnyɔ ma ni kima don!” A sigira a la don! Fɔnyɔ ma tugu tun.

Luka 8:24

Karan-dannu nara Yisa wara ka a lakunden ko, “Karan-mɔgɔ, karan-mɔgɔ! A ara to doni, ma ni faga.” Yisa ya a lasɔ ka fɔnyɔ anubɛ yi makuma. Anu makimɛra don!

Yɔni 4:6

ado tele-latelen, a kera Yakobala kɔlɔn ma, a bandannɛ. A ya a sulen kɔlɔn wo dafɛ.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

1 Pita 5:7

Wo ni wo hɔn-koe-bɛɛ to ale ma bawo a fonde ye wo ko.