Maraka 4:34 - ALLALA KUMƐ

³⁴ A ya kawandili min bɛɛ bɔ anu ye, a ya tili le tɛgɛ wo bɛɛ bɔ tinɛ. Kɔnɔ anubɛ ala karan-dannu bi anu dan na tumɛ min, a si wo bɛɛ faranfasi anu ye.

Maraka 4:34 ပူးပေါင်းရင်းမြစ်များ

Matiyu 13:34

Yisa ya koe kɛ bɛɛ fɔ nyama ye tilinu tɔ. A ma sɔn ko-wo-ko fɔla anu ye tilinu kɔma.

Maraka 4:10

Yisa ye a dan na tumɛ min, minnu ya ala karan lamɔɛn, wonubɛ ala karan-den tan-ni-filɛnu nara a wara ka a manyinika ko a ni tili wo faranfasi anu ye.

Maraka 4:33

Yisa ya kawandili bɔ mɔgɛnu ye ka tili kɛ su siyaman tɛgɛ anu ye. Woletɔ anu si ke min nya-yenna, a ya anu karan wo la.

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Yɔni 10:6

Yisa ya tili kɛ tɛgɛ anu ye kɔnɔ a ye min fɔ tinɛ, anu ma wo nya-yen.

Yɔni 16:25

“N bara kɛ bɛɛ fɔ wo ye sɔsɔlima-tilinu tɔ. Kɔnɔ wati ye nala, n ti tili sa wo ye tun. Wo wati rɔ, n si n Fa Alla wara-koe fɔ wo ye kuma-latelennɛnu tɔ.

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.