Maraka 4:24 - ALLALA KUMƐ

²⁴ A ya a fɔ anu ye fanan ko, “Wo ni a ma wo fɛrɛma worɔ ko-lamɔɛn tinɛ. Wo ye fan sumanna doinu ye nya min, Alla si a suma wole fanan ye wo nya na le, ado wotɛ si gbɛlɛya anutɛ ko.

Maraka 4:24 ပူးပေါင်းရင်းမြစ်များ

Hɛnkilimaya-Kumɛnu 19:27

Nna den, ni i ya i ban karan la, i ya min lɔn kɔrɔma la, i si na nyina wo ko.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Yɛrɛmaya 17:21

Mari ko wo ni a ma wo fɛrɛma. Wo kana dunɛ bi Sulen-Tele ma, ni wo ma, ka na a la Yerusalɛm don-dɛ la yan.

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Maraka 9:7

Banda-finyɛ burunta anu kun na. Kuman-kan bɔra banda-finyɛ wo rɔ. A ko, “N diyana-dan le kɛ la. Wo ni wo tole masɔ a la!”

Luka 8:18

“Wo ni a ma wo fɛrɛma worɔ ko-lamɔɛn tinɛ. Bawo fen bi min bolo, Alla si do sa wo kuma. Kɔnɔ fen-kɛndɛ sa min bolo, a yili ye fen-nɛ min ma, Alla si wo bɔ a bolo.”

Yɔni 10:16

Saga-dogbɛrɛnu bi n bolo minnu sa saga-kulɛ kɛ rɔ. Fɔ n ni na wonu fanan na. Anu si anu tole masɔ n kan la. Wonu si ma kurun kelen na saga-fɛ-birala kelan wo kɔrɔ.

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

Yɔni 5:25

“N bi tonyɛ fɔla wo ye, wati ye nala, ado nfan, a ara ke, furinu si nde, Allala dan kan lamɔɛn. Minnu ba n kan lamɔɛn, wonu niyi si sɛgi anu tɔ tun.

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

2 Kɔrɛnti 9:6

Wo ni wo hɛnkili to kɛ ko. Mɔgɛ min si sugi doni fui, wo si doni de tɛgɛ. Min si sugi siyaman fui, wo si a siyaman tɛgɛ.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.