Maraka 4:15 - ALLALA KUMƐ

¹⁵ Mɔgɛ donu manɛ iko sugi minnu si bui kila-kole la. Mɔgɛ wonu si a lamɔɛn kɔnɔ anu ba a lamɔɛn nya min wo, Setanɛ si na worɔ ka wo fɔrɔn anu yisi rɔ.

Maraka 4:15 ပူးပေါင်းရင်းမြစ်များ

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Sakaraya 3:1

Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 22:5

Kɔnɔ minnu kelenɛ, wonu ma anu tole masɔ wo la. Anu tara anu nyɛrɛ makoenu tɔ. Kelen tara ala sɛnɛ rɔ. Do tara feri-kɛ-tinɛ.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Maraka 4:14

Sugu-fuilɛ ye Allala kumɛ fuila.

Maraka 4:16

Sugi min fuira fara-gbaran ma, wo mani de iko mɔgɛ minnu bi kumɛ lamɔɛnna, ado anu si a bira sewɛ la tiriya!

Maraka 4:4

A ye sugi fuila sɛnɛ rɔ tumɛ min, do buira kila-kole la. Konanu nara wonu dɔn tinɛ.

Luka 8:12

Mɔgɛ donu manɛ iko sugi min si bui kila-kole la. Mɔgɛ wo si a lamɔɛn kɔnɔ a wa a lamɔɛn nya min, Setanɛ si na worɔ ka wo fɔrɔn a yisi rɔ alako a kana dɛnkɛninya a ma ka kisi.

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

2 Kɔrɛnti 2:11

Setanɛ kana nɔ-ko sɔrɔn ma ma, ado ma ya ale Setanɛ kɛ-nyanu lɔn.

2 Tɛsalonaika 2:9

“Kirasiti-yogo-finma-wɛ” wo si na Setanɛta sɛnbɛ rɔ ka foninya-tamaserenu anubɛ foninya-kabana-ko-su-bɛɛ kɛ.

Hiburunu 12:16

Wo ni a ma wo fɛrɛma ko mɔgɔ-wo-mɔgɔ kana ma sɔn-yogoma-tigi la. Wo kana ma iko Isɔ min ya ata sɔ tinɛ mayira a dɔgɛ ma dɔn-fen-nɛla ko la.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 20:10

Nyinɛ wo, Setanɛ, kɔni, min ya anu yanfa, wo lafilita tɛ anubɛ munku-gbɛ-dalɛ rɔ, sogo-feremɛ anubɛ foninya-nɛbi lafilita kan min nun. Anu si nyankankantan sɔrɔn nyɔ su-ni-tele habadan!

Lankɛnimayɛ 20:7

San waga kelan wo wa ban tumɛ min, melika si Setanɛ boloka ka bɔ yele la.