Maraka 3:7 - ALLALA KUMƐ

⁷ Yisa anubɛ ala karan-dannu tara Kalili dalɛ dafɛ. Nyama-belebele bilara a fɛ. Wonu bɔra Kalili sigisɔn rɔ anubɛ Yudiya nyamanɛ rɔ

Maraka 3:7 ပူးပေါင်းရင်းမြစ်များ

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

Matiyu 12:15

Yisa ya a faga-koe wo lamɔɛn Farasinu bolo tumɛ min, a bɔra nyɔ ka ta. Mɔgɔ siyaman bilara a fɛ. A ya kirayatoe bɛɛ lakɛndɛya.

Matiyu 12:16

A ya a fɔ anu ye ko anu kana ala koe fɔ mɔgɛnu ye

Matiyu 4:25

Nyama bilara a fɛ. Kalili ka wo, Yerusalɛm ka wo, Yudiya ka wo, Yorodan bɛ kan-kɔma-mɔgɔ wo, anubɛ minnu bɔra so-kun-tan wonu tɔ wo, wonu bilara a fɛ.

Maraka 1:39

Woletɔ a tara Kalili sigisɔn bɛɛ rɔ. A ya kawandili bɔ Yahudiya-dina-bɔnnu na ka nyinɛnu gben mɔgɛnu fɛ.

Maraka 1:45

Kɔnɔ kei wo tara kan tinɛ bɛɛ rɔ koe kɛ lawanka tinɛ mɔgɛnu tɛma. A tora a fɔla ha Yisa ma ke donna so-wo-so burɔ gbɛ rɔ, fɔ ka to a dan na. Kɔnɔ hali wo, mɔgɛnu tora nala a wara ka bɔ kan tinɛ bɛɛ rɔ.

Maraka 3:20

Wo kɔma, Yisa tara a yiyɛ la. Nyama-belebele ya anu nadɛn tun ha Yisa anubɛ ala karan-dannu ma fɛrɛ sɔrɔn hali ka fen dɔn.

Maraka 4:1

Wo kɔma, Yisa ya mɔgɛnu-karan dabira Kalili dalɛ dafɛ tun. Nyama min kinkinta a la, wo siya min kɛ, a donta kulɔn rɔ ka a mayigi nyɔ. Kulɔn wo siginɛ yi kuma, nyama sɔnɛ yi-kɔnkɔn la.

Luka 23:5

Anu ya anu taya bɛrɛkɛ! Anu ko, “A wulita mɔgɛnu namurutiyala ala karan fɛ Yudiya nyamanɛ bɛɛ rɔ. A ya wo dabira Kalili, ado a ara na yan de gbɛ!”

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

Luka 6:17

Yisa yigira ka bɔ kɔnkɛ wo kuma ala karan-dannu fɛ. Anubɛ ala karan-den siyaman sɔra lɛɛ do rɔ. Sɛrɛ-wɛ ye nyɔ. Anu bɔra Yudiya nyamanɛ kan bɛɛ anubɛ Yerusalɛm anubɛ Taya anubɛ Saidon soe minnu sɔnɛ kɔgɔ-yi dafɛ.

Yɔni 7:41

Donu ko, “Alla ya mɔgɛ min yabɔ ma kisi-koe la, ale le kɛ la, yɔ!” Kɔnɔ donu fanan ko, “Wo ti bɔ Kalili sigisɔn rɔ!

Yɔni 7:52

Anu ya a yabi ko, “Kalili kɛ le ile fanan na, wa? I ni ta Allata kitabu karan, i si a lɔn ko nɛbi ti bɔ Kalili sigisɔn rɔ mumɛ!” [

Kɛwɔlɛnu 17:10

Suyi kera nya min wo, Marita mɔgɛnu ya Pɔli anubɛ Sailasi lata Bɛriya soe burɔ. Anu kera Bɛriya tumɛ min, anu tara Yahudiya-dina-bɔn la.

Kɛwɔlɛnu 17:14

Tiriyante wo rɔ, Marita mɔgɛnu ya Pɔli lata kɔgɔ-yi dafɛ kɔnɔ Sailasi anubɛ Timoti tora Bɛriya.

Yasowa 20:7

Anu ya lakisi-soe minnu yabɔ tele-yigi wara la mɔgɛ si kisi kan min, wo le Kidɛsi la, Nafatalita kɔnkɔ-nyamanɛ rɔ anubɛ Sɛkɛm min bi Ifɛrɛmta kɔnkɔ-nyamanɛ rɔ anubɛ Hiburɔn min bi Yudata nyamanɛ rɔ.

Yasowa 21:32

So-kun sawɛ minnu tora anu ye Nafatalita nyamanɛ rɔ, wo le kɛnu na, Kidɛsi min bi Kalili nyamanɛ rɔ wo (lakisi-soe le wo la) Ham-Mati wo, Dɔɔ wo, anubɛ Karatan.