Maraka 3:5 - ALLALA KUMƐ

⁵ Yisa ya anu dama mafɛlɛn. A diminyara anu ma kɔnɔ a kinikinita anu ma fanan anuna yisi-gbɛlɛyɛla ko la. A ya a fɔ kei wo ye ko, “I ni i bole rasagan.” A ya a bole rasagan nkɛkuna, a kɛndɛyara kelenna!

Maraka 3:5 ပူးပေါင်းရင်းမြစ်များ

Ko-Dabirɛnu 6:6

wo le ya a to, anuna mɔninyɛ donta Mari rɔ.

1 Mansɛnu 13:6

Mansa Yɛrabowami ya a fɔ Allata mɔgɛ wo ye ko, “Ita Mari Alla matara n ye alako n bole kɛ ni sɛgi a gbɛ rɔ!” Allata mɔgɛ wo ya Mari matara. Ale mansɛ bole kɛndɛyara a gbɛ rɔ.

Nihɛmaya 13:8

N yisi bɔra furr, ha n ya Tobayala miran bɛɛ lafili luyi ma.

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Matiyu 12:13

Wo kɔma, a ya a fɔ kei wo ye ko, “I bole rasagan.” A ya a rasagan. Nba a kɛndɛyara iko a bole doi.

Maraka 3:4

Wo kɔma, a ya mɔgɛnu manyinika ko, “Mala tɔn ko kama? Ma ni nfen ma Sulen-Tele ma, ma ni mɔgɔ dɛnbɛ, ka, ma ni mɔgɔ tɔrɔ? Ma ni mɔgɔ niyi lakanan, ka, ma ni a halaki?” Kɔnɔ anu ya a sigi-a-la don!

Luka 13:15

Mari ya a yabi ko, “Wole kolandinu! Wo le fanan bi wɔlila Sulen-Tele ma. Wo ye wola kolo-fannu fulenna ka ta yi di anu ma Sulen-Tele ma.

Luka 17:14

Yisa ya anu yen tumɛ min, a ya a fɔ anu ye ko, “Wo ta saraka-masɔlɛnu bara, anu ni wo lakɔrɔsi.” Anu bi tala tumɛ min, anu dama kɛndɛyara.

Luka 6:10

A ya anu dama mafɛlɛn sin! A ya a fɔ kei wo ye ko, “I bole rasagan.” A ya wo ma nkɛkuna, a bole kɛndɛyara kusen!

Yɔni 9:7

A ya a fɔ a ye ko, “Ta i yɛ laku yi-kundunɛ rɔ min tɔgɛ Sailom.” (Sailom wo kɔrɛ le, “Kilayɛ.”) Kei wo tara a yɛ laku nyɔ. A yɛ-lakanɛ sɛgira a warɛ.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

2 Kɔrɛnti 3:14

Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Ɛfɛsa 4:26

Ni min diminyanɛ mɔgɛ ma, a kana sɔn, ala diminyɛ ni a ladon hakɛ rɔ. A diminyanɛ kana telen gbɛn,

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Hiburunu 3:10

Wo le ya a to, n diminyara mɔgɛ wonu ma. Anu ya n boloka ka ta anu kun fɛ! Anu ma sɔn nna kumɛ birala mumɛ!

Hiburunu 3:17

Alla diminyara yonnu ma san bi-nani kɔrɔ? A diminyara hakɛ-tigi wonu denu ma, ado wonu suyi sanɛ tora wulɛ rɔ.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Lankɛnimayɛ 6:16

Anu ya anu kuli mayɛlɛ kɔnkɛnu anubɛ farɛnu ye ko, “Wo ni bui ma kuma ka ma dogon alako min siginɛ mansaya-sigi-fan rɔ, wo kana na ma yen. Wo ni ma bɔ ale saga-danta diminyɛ kɔrɔ,

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.

1 Samuwɛli 20:34

Karɛ-Kura-Yen-Tolon tele filɛ wo ma, Yonatan ya a lasɔ yisi-bɔɛ bolo. A bɔra, a ma fenfen dɔn wo rɔ bawo a yisi tinyanta Dawudala ko la anubɛ ka a tɛgɛ a fa darɔ-kan ma ale Dawuda wara la.