Maraka 3:22 - ALLALA KUMƐ

²² Tɔn-karan-mɔgɛ minnu nara ka bɔ Yerusalɛm, wonu bi a fɔla ko, “Biyɛsiba min bi nyina-kun-tigiyɛ la, wo le ye Yisa fɛ!” Donu ko, “Setanɛ min bi nyina-mansɛ la, wo le ara nyina-gben-sɛnbɛ di a ma.”

Maraka 3:22 ပူးပေါင်းရင်းမြစ်များ

2 Mansɛnu 1:2

Wonu bi murutiyɛ wo kun na tumɛ min, Mansa Ehasaya bɔra porokɔlɔla san-bɔn la Samariya soe burɔ ka bui dugi ma. A ya a tanban boloko-yogomɛ-kɛ. A ya kilayɛnu nata bolo tafɛlɛn tinɛ Filisitinuna bɛsɛ do ma min tɔgɛ Beyali-Sibubu min bi Ɛkirɔn soe burɔ. A ya wo ma alako a ni a lɔn ni a si kisi, ni a ti kisi.

Yaburi 22:6

N sa hadama-denya la tun. N mani de gbɛ iko tunbi bawo mɔgɛnu bi nyimala n tɔ.

Matiyu 10:25

Nba, karan-dan wa ke a karan-mɔgɔ rɔ, a bɛnta, wo ni a wasa. Yɔɔn fanan ba ke a tigi rɔ, a bɛnta, wo ni a wasa. Ni anu ya denbaya-tigi kele ko, Biyɛsiba, denbayɛ toenu si tɔgɔ-yogomɛ sɔrɔn ka tenbi ale la!

Matiyu 11:18

Nba, Yɔnila nɛ, a ma na fen-dɔn anubɛ minni-koe la dɔrɔn. Bɛɛ ko nyinatoe le ale la!

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 15:1

Wo kɔma, Farisi donu anubɛ tɔn-karan-mɔgɛ donu bɔra Yerusalɛm ka na Yisa wara. Anu ya a manyinika ko,

Matiyu 9:34

Kɔnɔ Farisinu ya a fɔ ko, “Nyina-mansɛ le ye sɛnbɛ wo dila a ma ko a ni nyinɛnu gben.”

Maraka 7:1

Nba, Farisinu anubɛ tɔn-karan-mɔgɛ minnu bɔra Yerusalɛm, wo donu kinkinta Yisa la.

Luka 11:15

Kɔnɔ donu ko, “Nyina-kun-tigi Biyɛsiba, wo le ara nyina-gben-sɛnbɛ di a ma.”

Luka 5:17

Lunyɛ do, Yisa tenbi mɔgɛnu karanna, Farisi donubɛ tɔn-karan-mɔgɛnu siginɛ nyɔ minnu bɔra Kalili anubɛ Yudiya soe tɔnkɔn bɛɛ rɔ anubɛ Yerusalɛm. Marita sɛnbɛ ye Yisa rɔ ka kirayatoenu nakɛndɛya.

Yɔni 10:22

Alla-Bato-Bɔn dantɛgɛ-tumɛ ma, wo ladiyɛ kɛra Yerusalɛm dafere-kima-wati le ma nun.

Yɔni 7:20

Nyama ya a yabi ko, “Nyinatoe le ile la! Yon bi a rayala i faga-koe ma?”

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!