Maraka 3:17 - ALLALA KUMƐ

¹⁷ anubɛ Sɛbɛdila dannu Yemesi anubɛ Yɔni wo (Yisa ya minnu kele fanan ko, “San-gbalamɛla dannu”),

Maraka 3:17 ပူးပေါင်းရင်းမြစ်များ

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 23:29

Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Matiyu 4:21

A tenbira nyɔ. A ya na-kelen-nyɔgɔma fila gbɛrɛ yen, Yemesi anubɛ Yɔni, kɔni, Sɛbɛdila dannu. Anubɛ anu fa siginɛ anuna kulɔn rɔ anuna yalɛnu tabɛn tinɛ. Yisa ya anu kele.

Maraka 10:35

Wo kɔma, Sɛbɛdila dannu, Yemesi anubɛ Yɔni, kɔni, wonu nara Yisa wara. Anu ko, “Karan-mɔgɔ, ma ye a fɛ, i ni koe do kɛ ma ye.”

Maraka 14:33

Wo kɔma, a ya Pita anubɛ Yemesi anubɛ Yɔni bi ka ta anu na a bolo. A yisi wulita a tɔrɔla!

Maraka 3:16

A ya mɔgɔ tan-ni-filɛ minnu yabɔ, wonu denu denu bi kɛnu na, Saimon wo (Yisa ya min kele fanan ko Pita),

Maraka 3:18

Anduru wo, Filipi wo, Batalamiyu wo, Matiyu wo, Tamasi wo, Alifala den Yemesi wo, Tadiyasi wo, Saimon wo (min si kɛlɛ kɛ ata nyamanɛla ko la)

Maraka 5:37

A ma sɔn mɔgɔ-gbɛrɛ ni bila a fɛ fɔ Pita anubɛ Yemesi anubɛ Yemesi na-kelen-nyɔgɛ, Yɔni.

Maraka 9:2

Tele wɔrɔ kɔma, Yisa ya Pita anubɛ Yemesi anubɛ Yɔni bi ka ta anu na a bolo kɔnkɔ-layan-bɛ do kuma anu dan na. Anu yɛ bɛnnɛ Yisa ma tumɛ min, a yen-nya yɛlɛmanta anu yala.

Luka 9:54

Ala karan-dannu, Yemesi anubɛ Yɔni ya kɛ yen tumɛ min, anu ko, “Ma tigi, i ye a fɛ, ma ni tɛ kele ka bɔ san-kole rɔ anu halaki-koe la, wa?”

Yɔni 21:2

Yisala karan-dan minnu nadɛnnɛ nun, wo le kɛnu na—Saimon Pita wo, Tamasi wo (anu bi min kelela ko, “Fɛran”), Nataniyɛli wo (min bɔra Kalili-Kena soe burɔ), Sɛbɛdila dannu wo, anubɛ ala karan-den fila gbɛrɛ fanan.

Kɛwɔlɛnu 12:1

Mansa Hɛrodi burunta Mari Yisata mɔgɛnu tɔrɔla wati wo le tɔ.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 10:11

Wo kɔma, kuman-kan ya a fɔ n ye ko, “I ni wɔlɔyiyɛ kɛ mɔgɔ siyamanna ko la tun anubɛ sibolo-siyamɛ anubɛ a mansa-siyamɛ iko anuna kan faranɛ nya min.”