Maraka 3:11 - ALLALA KUMƐ

¹¹ Nba, nyina-yogomɛnu bi mɔgɛ minnu fɛ, wonu ba Yisa yen tuma-wo-tuma, anu si bui a kɔrɔ ka gbele-gbelen ko, “Allala dan le ile la!”

Maraka 3:11 ပူးပေါင်းရင်းမြစ်များ

Matiyu 14:33

Karan-dan minnu bi kulɔn rɔ, wonu ya Yisa bato. Anu ko, “Tonyɛ le, Allala dan le ile la!”

Matiyu 4:3

Setanɛ nara a wara. A ko, “Ni Allatalala dan le ile la, kuri kɛnu yɛlɛma biredi la.”

Matiyu 4:6

A ya a fɔ Yisa ye ko, “Ni Allatalala dan le ile la, i gban ka yigi dugi ma bawo a sɛbɛnɛ ala kitabu rɔ ko, ‘Alla si ala melikanu sɔ i lakanan-koe la. Anu si anu bole sigi i kɔrɔ alako i kana i kian gbesi kurinu na.’ ”

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Matiyu 8:31

Nyinɛnu tora Yisa madiyala ko, “Ni i ye ma gbenna le, nba, ma ladon kɔsɔ-mɛlan kɛnu tɔ.”

Maraka 1:1

Yisa, Allata-Mɔgɔ-Yabɔnɛta kibara-nyimɛ le kɛ la, Allatalata dan, kɔni.

Luka 4:41

Nyinɛnu fanan gbele-gbelenmatoe bɔra nyinatoenu fɛ, anu ko, “Allala dan le ile la!” Anu ya a lɔn Allata-Mɔgɔ-Yabɔnɛ la min kɛ, Yisa ya a fɔ anu ye ko anu kana kuma.

Luka 8:28

Nyinatoe wo ya Yisa yen tumɛ min, a wɔrɔndɔra bɛrɛkɛ! A ya a sa Yisa kɔrɔ ka a fɔ a kulu-mayɛlɛnɛ la ko, “Alla min Bi Fan Bɛɛ Kun Na, wola dan Yisa, i ye nyinina nfen ma n bolo? N bi i madiyala, i kana n tɔrɔ!”

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

1 Kɔrɛnti 11:34

Wo wa wo ladɛn fen dɔn tinɛ tumɛ min, yanni wo ni kiti sɔrɔn Alla bolo, ni kɔnkɛ ye wole do la, a bɛnnɛ wo tigi ni fen-dɔn-kɛ ala bɔn la. N ba na kɛ kɔma tumɛ min, wo ya n manyinika minnu na wola kɛdi rɔ, n si wonu natelen.

Yemesi 2:19

I lanɛ a la ko Alla kelen pe le nyɔ, nyɛ? Wo kin! Nyinɛnu fanan lanɛ wo la ka yɛrɛyɛrɛn kilan bolo.