Maraka 2:27 - ALLALA KUMƐ

²⁷ Yisa ko, “Sulen-Tele ladanta mɔgɔ ye. Mɔgɔ ma dan Sulen-Telela ko la,

Maraka 2:27 ပူးပေါင်းရင်းမြစ်များ

Bɔ-Koe-Iyipiti 23:12

“Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Isikiyɛli 20:12

Ma sarama-kan-tamasere do le Sulen-Tele-birɛ la alako anu ni a lɔn ko nde, Mari le ye a mala, anu ni sɛninya.

Isikiyɛli 20:20

N ko anu ni Sulen-Tele ma tele-sɛninyanɛ la alako Sulen-Tele wo birɛ ni ma sarama-kan-tamasere la mabɛ tɛma. Wo ni ma anu hɛnkili-birɛ la nun ko anuta Mari Alla le nde la.

Maraka 2:28

ado nde, Hadama-dan le Mariyɛ la Sulen-Tele kun na.”

Luka 6:9

Yisa ya a fɔ anu ye worɔ ko, “N bi wo manyinikala. Mala tɔn ko ma ni nfen ma Sulen-Tele ma? Ma ni mɔgɛnu dɛnbɛ, ka, ma ni anu tɔrɔ? Ma ni mɔgɛnu niyi lakisi, ka, ma ni anu halaki?”

Yɔni 7:23

Ni wo ya bilakore do lakemininya Sulen-Tele ma alako Musata tɔn kana tinya, nfenna wo ye diminyala nde ma ko n bara kei do lakɛndɛya Sulen-Tele ma?

2 Kɔrɛnti 4:15

Wo dama ye kɛla ka a tɛgɛ wole ma. Nba, Allata hinɛ min bi kela mɔgɔ siyaman ma nya min, anu siyaman si baraka bira Allata gbiliyɛla ko la wo nya na le.

Tɔn-Fɔɛ-Fila-Nyɔgɛ 5:12

“A ko wo ni wo hɛnkili to Sulen-Tele ko ka tele-sɛnimɛ wo bira gben iko ale wota Mari Alla ya wo nyamari nya min.

Tɔn-Fɔɛ-Fila-Nyɔgɛ 5:14

A tele wɔrɔnfila nyɔgɛ si ma Sulen-Tele la Mari Alla ye. Wo kana wɔli-wo-wɔli kɛ wulɔn-tele ma. Wola dannu wo, wola yɔɔnnu wo, wola sundannu wo, hali wola kolo-fannu, wonu fenfen kana wɔlɛ kɛ. Min ya a to, a ya a fɔ wo ye ko wo ni wo sulen tele wo ma, a ko wo ni wo miri a ma ko wole fanan bi yɔɔnyɛ rɔ nun Iyipiti. Ale le ya wo labɔ nyɔ ata kabana-ko-sɛnbɛ la. Woletɔ wobɛ wola yɔɔnnu ni wo sulen wo tele nyɛrɛ ma fanan.

Kɔlɔsi 2:16

Woletɔ wo kana sɔn, mɔgɔ-wo-mɔgɔ ni tɔn sigi wo ma tun wola dɔn-fen-koe anubɛ minni-fen-koe la. Hali tele-sɛnima-koe wo, karɛ-kura-koe wo, Sulen-Tele-koe wo, wo ara hɔrɔya tɔn wonu ma.