Maraka 2:20 - ALLALA KUMƐ

²⁰ Kɔnɔ a wati wa ke, anu ba kɔnyɔ-tigi wo bi anu tɛma tumɛ min, anu si sunyɛ don worɔ.

Maraka 2:20 ပူးပေါင်းရင်းမြစ်များ

Yaburi 45:11

I di mansɛ ye bawo i kin kosɛbɛ! I tigi le ale la, fɔ i ni ata kumɛ bira.

Keninteya-Siginu 3:11

Wole Yerusalɛm sunkurɔnnu, wo na Mansa Silamɛni yen. A na le ya mansaya-fulɛ don a salɛ la. A ya mansaya-fulɛ kɛ di a ma ala kɔnyɔ-masɔ-ladiyɛla ko la, a nyagalen-tele rɔ, kɔni.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 62:5

Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Matiyu 26:31

Nba, Yisa ya a fɔ anu ye ko, “Wo dama si wo buri bi suyi kɛ rɔ ka n boloka bawo a sɛbɛnɛ Allata kitabu rɔ ko, ‘Alla si saga-fɛ-biralɛ faga. Saga-kurɔn si nyɛnsɛn.’

Matiyu 9:15

Yisa ya anu yabi ko, “A ye wo burɔ ko mɔgɛ minnu bi kɔnyɔ-masɔɛ rɔ, fananta kɔnyɔ-tigi ye anu fɛ, wonu si di, wa? Wo ti ma mumɛ! Kɔnɔ a wati wa ke, anu ba kɔnyɔ-tigi wo bi anu tɛma tumɛ min, anu si sunyɛ don worɔ.

Maraka 2:19

Yisa ya anu yabi ko, “A ye wo burɔ ko mɔgɛ minnu bi kɔnyɔ-masɔɛ rɔ, fananta kɔnyɔ-kura-tigi ye anu fɛ, wonu si kɔnkɔ? Wo ti ke mala ni! Fananta kɔnyɔ-kura-tigi ye anu fɛ, anu ti sunyɛ don.

Maraka 2:21

“Mɔgɛ ti kura-kundu-kurɛ bi ka duruku-kɔrɛ labɛtɛrɛ wo la bawo a kurɛ wo ra si don ka duruku-kɔrɛ wo rafara ka tenbi a fɔlɔtɛ la.

Luka 17:22

A ya a fɔ ala karan-dannu ye worɔ ko, “Tumɛ wo ye nala, nde, Hadama-dan na-wati-sɔgɛ si wo bira kɔnɔ hali tele kelen, wo ti wo yen!

Luka 5:35

Kɔnɔ wati ye nala, kɔnyɔ-kura-tigi wa bɔ anu fɛ, sun-don-sɔgɛ si anu bira worɔ.”

Yɔni 12:8

Bolo-kolɔnnu bi wo fɛ tuma-wo-tuma kɔnɔ nde ti to wo fɛ wati bɛɛ.”

Yɔni 13:33

“Nna dannu, n sa mɛla wo fɛ tun wati-yan. Wo si n nyini kɔnɔ iko n ya min fɔ Yahudiyanuna kun-tiginu ye, n bi wo le fɔla wo ye ko, ‘N bi tala kan min, wo ti ke tala nyɔ.’

Yɔni 16:28

N bɔra n Fa Alla warɛ le serr, ka na duninya kɛ rɔ. Kaka, n bi bɔla duninya kɛ rɔ ka sɛgi n Fa Alla warɛ.”

Yɔni 16:7

Kɔnɔ n bi tonyɛ le fɔla wo ye, ni n tara, wo si fisaya wo ma bawo n bi min sɔla wo dɛnbɛn tinɛ, wo si na wo wara. Ni n ma ta, a ti na.

Yɔni 17:11

Nba kaka, n sa duninya kɛ rɔ tun. N bi nala i wara kɔnɔ anu denu si to n kɔma duninya kɛ rɔ. E, n Fa sɛnimɛ! I ya tɔgɛ min di n ma, i ni anu matanka tɔgɔ-sɛnbɛmɛ wo fɛ alako anu ni ma kelen na iko malebɛ ile manɛ kelen na nya min.

Yɔni 17:13

“Nba kaka, n bi sɛgila i wara. Yanni n ni bɔ duninya kɛ rɔ, n bi koe kɛnu fɔla nna karan-dannu ye alako anu si nna sewa-kanbalinɛ sɔrɔn anu yisi rɔ nya min.

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

Kɛwɔlɛnu 1:9

A ban kɛ fɔla tumɛ min, a yɛlɛta Arinyɛni tɔ anu yala. A tununta banda-finyɛ rɔ yen!

Kɛwɔlɛnu 14:23

Anu ya mɔgɔ-banu sigi ladɛn kelen-kelennamɛ-bɛɛ la wonu ye. Wo kɔma, anu ya sunyɛ don Alla matara tinɛ ka mɔgɔ-ba wonu dantɛgɛ Mari ma anu yigi sanɛ min tɔ.

Kɛwɔlɛnu 3:21

Kɔnɔ fɔ a ni to Arinyɛni tɔ ha fan-bɛɛ-kuraya-wati ni ke iko Alla ya a fɔ ala nɛbi-sɛnimɛnu fɛ nya min fɔlɔfɔlɔ.

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

2 Kɔrɛnti 11:27

N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

2 Kɔrɛnti 6:5

Mɔgɛnu ya ma gbesi ka ma ladon yele la ka sɔnkɔ layɛlɛ ma ma. Ma wɔlita ha ka a dan-natenbi. Ma si ki ma ya la anubɛ ka ki a la.

Lankɛnimayɛ 19:7

Ma ni sewa ka nyagalen. Ma ni ata gbiliyɛ tanto bawo saga-danta kɔnyɔ-masɔ-wati ara ke. Ala kɔɛn-kurɛ ara a nyɛrɛ rabɛn ala ko la.

Lankɛnimayɛ 21:9

Pani-kunba wɔrɔnfilɛ minnu nafanɛ fitina labannu na, wonu bi melika wɔrɔnfilɛ minnu bolo nun, wo kelen nara n bara. A ko, “Na, n ni kɔnyɔ-kurɛ yira i la, saga-danla musi, kɔni.”