Maraka 2:18 - ALLALA KUMƐ

¹⁸ Lunyɛ do, Yɔni-Batasi-Kɛlɛla karan-dannu anubɛ Farisinu bi sun-don kun na nun. Mɔgɛ donu nara Yisa wara ka a manyinika ko, “Nfenna Yɔni-Batasi-Kɛlɛla karan-dannu anubɛ Farisinuna karan-dannu bi sunyɛ donna kɔnɔ itɛnu ti sunyɛ don?”

Maraka 2:18 ပူးပေါင်းရင်းမြစ်များ

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:18

woletɔ mɔgɔ ti a lɔn ko i ye sunyɛ rɔ. I ya sa i Fa Alla min na, wo si wo lɔn. I Fa Alla min bi i yenna a kɛla dogɔn rɔ, wo si i barayi.

Maraka 2:19

Yisa ya anu yabi ko, “A ye wo burɔ ko mɔgɛ minnu bi kɔnyɔ-masɔɛ rɔ, fananta kɔnyɔ-kura-tigi ye anu fɛ, wonu si kɔnkɔ? Wo ti ke mala ni! Fananta kɔnyɔ-kura-tigi ye anu fɛ, anu ti sunyɛ don.

Luka 18:12

Lɔgɔkun-wo-lɔgɔkun, n bi sunyɛ donna tele fila. N bi min bɛɛ sɔrɔnna, n bi wo yaka dila i ma.’

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.