Maraka 16:15 - ALLALA KUMƐ

¹⁵ A ya a fɔ anu ye ko, “Wo ta duninya kan tinɛ bɛɛ rɔ ka kibara-nyimɛ lake mɔgɛ bɛɛ ma.

Maraka 16:15 ပူးပေါင်းရင်းမြစ်များ

Yaburi 22:27

Sibole bɛɛ hɛnkili si to Mari ko. Anu si anu ya-lamunun Mari la duninya-tonko-nanɛ bɛɛ rɔ. Sibole bɛɛ si a bato.

Yaburi 96:3

Alla gbiliyanɛ nya min anubɛ a ye kabana-koe minnu mala, wo ni wonu fɔ duninya-mɔgɛ bɛɛ ye.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Maraka 13:10

A fɛrɛ sa fɔ kibara-nyimɛ kawandilɛ kɛ ni bɔ mɔgɛ bɛɛ ye fɔlɔn.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 20:21

Wo kɔma, Yisa ya a fɔ anu ye tun ko, “Alamɛ wo ya yisi-kimɛ sɔrɔn. N Fa Alla ya n sɔ nya min, nde fanan bi wo sɔla wo nya le.”

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Romu 10:18

Kɔnɔ n ni nyinikalɛ kɛ. Yahudiyanu ya sarakanɛ kɛ lamɔɛn, ba? Tonyɛ le, anu ya a lamɔɛn. Iko a sɛbɛnɛ Allala kitabu rɔ nya min ko, “Sarakanɛ kɛ kera duninya kan tinɛ bɛɛ rɔ. A kera ha duninya dan la.”

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

Ɛfɛsa 2:17

Woletɔ Kirasiti ara kibara-nyimɛ-kawandili bɔ mɔgɛ bɛɛ ye. I mara sibolo-gbɛrɛ la min fɛ-yan Alla la nun wo, i mara Isirɛla mɔgɛ la min fɛ-ma-yan a la nun wo, kibara-nyimɛ ye ma filɛ bɛɛ ye.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

1 Yɔni 4:14

Ma ara a yen ka a fɔ doinu ye ko ma Fa Alla ara ala dan, Yisa lana alako a ni ma duninya kisilɛ la.

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.