Maraka 16:1 - ALLALA KUMƐ

¹ Sulen-Tele tenbira tumɛ min, Mariyama, Magadala kɛ anubɛ Yemesi na Mariyama anubɛ Salomi, wonu ya fen-suma-diyamɛ san alako nun anu ni ta a kɛ Yisa furi ma.

Maraka 16:1 ပူးပေါင်းရင်းမြစ်များ

Ko-Dabirɛnu 50:2

Yusufu ya a fɔ ala bɛsi-bɔlɛnu ye ko, “Wo ni n fa furi wɔli alako a kana na tuli.” Anu ya a ma iko Yusufu ya a fɔ anu ye nya min.

2 Ko-Kɔrɔta-Karan 16:14

Anu ya a togon ala kuru-kaburu rɔ a ara min tabɛn a nyɛrɛ ye nun Mansa Dawuda halala-luyi ma. Anu ya tulu-suma-diyamɛ susa a furi ma ka a yamatogon kɛnɛnu na. Anu ya ta-wɛ ladɛn a san-koe kuma.

Maraka 14:3

Yisa ye Saimonna bɔn la nun Bɛtani soe burɔ. Fɛrɛma-kiraya-yogomɛ do ye ale Saimon fɛrɛ ma nun. Anu bi fen dɔn la tumɛ min, musi do nara don bɔn la. Kuru-dagɛ min tɔgɛ alabasita, wo lafanɛ a bolo sɛnti-da-gbɛlɛ la min tɔgɛ naradi. A ya dagɛ wo kumɛ keri a la ka sɛnti wo kɛ Yisa salɛ ma.

Maraka 14:8

A si ke min kɛla, a ara wo le kɛ. A ya sɛnti kɛ n fɛrɛ ma ka n tabɛn n togon koe la, yanni a wati ni ke.

Maraka 15:40

Musi donu sɔnɛ wula-yan la ka a mafɛlɛn. Salomi anubɛ Mariyama, Magadala kɛ anubɛ Mariyama, Yemesi dɔgɔma anubɛ Yusufu na, kɔni, wonu bi anu tɛma.

Maraka 15:42

Nyima-wurɛ le nun, anu tabɛn-wati Sulen-Telela ko la,

Maraka 15:47

Mariyama, Magadala kɛ anubɛ Mariyama, Yusufu na, kɔni, wonu bi a mafɛlɛnna nun alako anu ni Yisa sa tinɛ lɔn.

Maraka 16:2

Lɛhɛrɛ subaga-dɛ ma, sun-tele-fɛran, kɔni, anu tara kanbɛ dɛ la.

Maraka 16:8

Kɛ lamɔɛn anu bolo, anu burimatoe bɔra kanbɛ dɛ la, anu bi yɛrɛyɛrɛna kilan bolo. Anu ma fenfen fɔ mɔgɔ-wo-mɔgɔ ye bawo anu kilannɛ. [

Luka 23:54

Nyima le ma nun, anu tabɛn-wati Sulen-Telela ko la.

Luka 23:56

Anu sɛgira anu barɛ ka sɛnti anubɛ mun-kɛ-tuli rabɛn a furi ye. Sulen-Tele ma, anu ya anu sulen iko tɔn ya a fɔ nya min.

Luka 24:1

Lɛhɛrɛ subaga-dɛ ma, musinu tara kanbɛ dɛ la. Anu ya sɛnti min tabɛn, wo ye anu bolo.

Yɔni 19:25

Nba, minnu sɔnɛ Yisa faga-kɔlɔma kɔrɔ nun, wonu denu bi kɛnu na—a na Mariyama wo, wo na-kelen-nyɔgɔn-musi wo, Kaliyofala musi Mariyama wo, anubɛ Mariyama Magadala kɛ.

Yɔni 19:31

Nba, Yahudiyanu ya Pailɛti madiya ko anu ni mɔgɛ wonu gbɛlannu takeri ka anu furinu nayigi kɔlɔmanu ma. Anu ya wo fɔ bawo Nyima le nun. Nba, anu sa a fɛ, furinu ni to kɔlɔma ma Sulen-Tele ma. Anuna Sulen-Tele-kolomɛ le wo la anu bolo.